✔ 最佳答案
養魚又養蝦,當然最重要係揀o岩品種。
魚就好簡單,因為最重要係唔大條。各式燈魚全部都可以,價錢亦相宜。
蝦就要小心。最重要係唔好買左人地用o黎餵大魚o個d蝦。佢地前肢有對大鉗,會捉魚食。同魚混養,蝦一定要係所謂「水草蝦」,即係食藻類o既蝦。亦有d大型o既如前肢呈扇狀o既網球蝦(又稱「濾水蝦」)。呢d蝦對魚冇攻擊性。
養蝦其實要求比魚高,起碼三十度對魚冇乜問題,但對蝦就係高溫,唔係種種都頂得住。而蝦o既身型亦要考慮,小型o既貴價蝦仔如水晶蝦只會成為魚o既水晶餃。能夠兩個條件都符合o既,最簡單係大和藻蝦(珍珠蝦),三十蚊都有四五隻。佢地對水溫忍耐力較強,但係佢地要o係鹹水繁殖,唔似得其他蝦種,可以一代一代咁養落去。
養得水草蝦,當然要有d草得佢地搞下捐下,萬一你係養o係淡水產卵o既品種(如藍蝦、虎紋、蜜蜂蝦等),db就更加要密o既水草(如莫絲)去匿藏。不過如果你多魚的話,相信多b都冇剩架啦。
食o既o野方面,水草蝦都會食下藻類,魚糧藻左葉間/缸底佢地都會食。亦有專俾蝦食o既怪粉。