尿道炎一問 (urgent)

其實尿道炎我好細個果時試過，應該係6-7歲左右，我記得當時痛左好耐先同媽咪講，跟住媽咪就帶左我去急症室睇，當時醫生問我係咪成日忍尿，唔肯去廁所，當時我真係咁，佢同我ｄａｄｄｙ媽咪講，因為我太細個，佢怕會影響到我第日生bb，咁醫生就要我留院，仲同我講要我一覺得有尿就要即刻出聲同去廁所，我仲記得果晚好夜零晨２－３點倒，媽咪同ｄ姑娘走黎叫醒左我，帶左我去見醫生，醫生要我無論急唔急都好，一定要痾到出黎，佢俾左個藍色果ｄ尿盤我，跟住媽咪同姑娘係咁要我痾…真係好痛好辛苦，明明係覺得急急地，不過又痾唔出，我痾左好耐，點知唔係尿，而係血…之後我喊晒，媽咪見我咁辛苦，佢同姑娘商量左一陣，先至俾我再訓過，第二朝起身，媽咪同我講，醫生要我再痾過，就係咁，我痾左ｄ血之後就好返出院，果時都住左幾日院，不過我就唔記得有冇食藥啦，因為我最深刻就係俾人叫醒左同痾血咋…
直至大個左之後我先知原來尿道炎都屬於性病既一種，所以真係要趁早睇醫生呀，話晒係女仔，要錫住自己呀！希望你好快冇事呀　^.^
P.S.我自從果次之後就冇再番發，不過真係唔好忍尿呀，同埋飲多Ｄ水喔～
　　我係睇廣華架

2007-09-16 21:11:59 補充：
我問過媽咪，我當時都有食藥呀，住左3 - 4日院

患上尿道炎，可能會出現小便刺痛及灼熱、小便頻密、小腹脹痛、經常有尿急或排尿不清的感覺等，要立即求診。

The information provided here is for reference only. Please consult with your doctor or other health professional to make sure this information is right for you.

女性比男性較易患上尿道炎，因為女子的尿道比男性短而寬且直，女子尿道長約4釐米，男子尿道長16～22釐米。尿道炎是婦女最常見細菌感染病之一，是細菌跑到尿道中所造成，夏季天熱較易患上。

尿道炎是小問題，很多女性也曾患上，只是妳不知道。多飲水，看醫生及服用醫生處方抗生素便可痊癒。



尿道炎
=====

尿道炎是指尿道因細菌感染而發炎。一般而言，女性比男性較易患上尿道炎。

病徵
患上尿道炎，可能會出現小便刺痛及灼熱、小便頻密、小腹脹痛、經常有尿急或排尿不清的感覺等，要立即求診，否則嚴重時可能會引致腎炎。

成因
女性比男性較易患上尿道炎，這是因為女性的尿道較短，細菌容易蔓延至膀胱；而尿道口與陰道口及肛門相近，故此容易受到陰道和肛門的細菌，例如大腸桿菌的感染而引致發炎。

預防方法
防範尿道炎，首先要注意個人衛生，尤其夏日乃各路細菌活躍的旺季，每日多飲水，有助將尿道內的細菌排出體外，減少尿道受感染的機會。

１.飲水「沖洗」膀胱：謹記每日飲用6至8杯水或流質飲料，尤其是夏天易出汗，水分會大量流失，所以要時常飲水，不但有助稀釋尿液的濃渡，同時亦可「沖洗」膀胱，以便身體可以將尿道內的細菌排出體外。
另外，有性生活的人士，事前最好飲多些水，事後亦要立即小便，平日需要小解時亦不宜強忍，這樣有助沖洗尿道，減少細菌在尿道中繁殖的機會。
2. 清潔肛門由前至後：由於肛門附近難免有細菌，所以每當如廁後，清潔肛門時便應從尿道口抹向肛門（由前抹向後），這樣便可以避免把肛門的細菌帶往尿道口而產生感染。
3. 多飲紅莓、藍莓汁：外國有研究發現，某些果汁中所含的果糖及單寧酸有助對抗細菌如大腸桿菌。而紅莓汁（Cranberry juice）及藍莓汁（Blueberry juice）含有果糖及濃縮的單寧酸，可有效防止細菌附著膀胱及尿道內壁上，有助減少感染尿道發炎的機會。不過正在服食某些藥物的人士，宜先請教自己的醫生看看可否多飲用這些果汁，以免相沖。
4. 選擇棉質內褲：避免穿著緊身褲及內褲，選擇吸汗舒適的棉質內褲以保持外陰清潔乾爽，減低細菌生長的機會。某些人士可能會對有香味的衛生用品如衛生巾、廁紙等敏感而可能引致發炎，故少用為妙。
5. 及早察覺速求醫：當你察覺尿道炎的病徵時，便要立即求醫診治，以減低病情惡化的機會。醫生多會替患者進行小便化驗，包括小便中的細菌培植及分析其種類。

治療方法
醫生會處方預防性的抗生素療程，以加速患者的治愈時間。患者切記要依照醫生指導，完成整個抗生素療程。

好難好!本人亦都經常有尿道炎,初時去葯房配啲專醫尿道炎的葯,eg:啡豆,消炎......都可以暫時令我好返啲,但因尿道炎難斷尾,要去醫生到打消炎針,打完我無聽醫生分附食哂整個療程,之後又返發,醫生亦都打強份量,呢個病我無好好哋食葯,所以困擾咗我幾年,你好怏啲去睇喇!我嗰時就係唔理,嚴重到失禁呀!好慘好辛苦!你自己諗喇！

2007-09-16 13:05:23 補充：
去邊到睇都得!你點樣唔舒服照返成件事講比醫生知啦!唔洗驚!睇完你就會怏啲好喇!

2007-09-16 13:07:59 補充：
唔一定要打針,我係因為太嚴重先要太針咋!我尿道炎到失禁......

尿道炎係一定要睇醫生, 因為要食醫生開的抗生素先會好...如果拖太耐手尾好長, 而且好難痊癒, 你而家一定要睇醫生!!係一定!!!!!!!!!!!!
仲有尿道炎只係好普通既病, 睇普通科已經可以.