會考自修中國文學困難嗎?

文學好兩極......
如果你鍾意文學，一定會讀得好，如果唔鍾意，其實唔止文學，好多科都讀得唔好。

我而家中五，讀左一年，分享下我d心得啦......

文學常識：佔15% 要背，但背ge野唔多，你一定要買本勁精ge精讀，因為你睇返marking會知道，其實呢15分通常都係見字就畀分，而且無EC分架！不過奪Ａ一定要靠呢部分。

文學賞識：其實係等於閱讀理解，如果你平日熱愛文學，我覺得你唔洗溫都識，因為我本身都鍾意文學，風雅頌果ｄ全部睇課外書時已經識晒，所以根本唔洗睇書，如果你平日睇得多書，呢part可以話係完全無問題，但平日睇得少都唔緊要，只要見到文學課文有ｄ唔明白ge體裁，問下中文科老師，或者自己搵下資料就ok，活學活用，唔洗背。

至於佔70% ge讀本問答，好多人話要背，但我就從來都未背過（除左典故），而我在校內考試呢part亦未試過考90%以下（學校試卷近會考題），反而背晒成本書果ｄ就考75-80%左右，而我問返自己學校考Age師兄師姐，亦係個個都話無背過，因為呢part = 閱讀理解，只要你有興趣，睇完課文肯自己思考下有咩寫作技巧，就會覺得好易（因為諗到技巧 = 溫完書）！ 另外，無老師教亦唔係問題，因為你會做past paper，做得多，就會明白每科重點，例如《寡人之於國也章》你會見到來來去去都係問保障人民ge方法，仲洗咩老師講重點呢？

其實我覺得，讀文學ge人，通常get A都係：
１）有興趣＋唔洗點背
２）無興趣＋狂背

睇下你係邊種人啦！

我本身都好鍾意文學！

加油，希望你可以堅持自己ge興趣啦！

難呀好難呀,難到xx,簡直唔係人讀,自修a.maths都易過佢幾十倍,背書邊有意思先得架!!!
p.s.我冇讀過中國文學

個人覺得困難程度應屬於中上

A )中國文學會考考試形式
考3樣野
1)文學常識 - 關於唔同作品/ 作家既常識, 例如唐詩既影響, 作家, 興盛原因
2)文學賞析 - 類似閱讀理解, 比篇作品你(有文言, 有白話)問關於該作品既野,
如文體, 表達思想感情
3)課文內容 - 問關於課文既野

B)點解難
1) 文學常識, 超級多, 以背既方式就可以答到,
但好多學校都會有自家製既 notes, 自修既就只好讀書本上面既
當然冇老師比果 d 咁好啦

2)文學賞析 , 有d關於文學常識, 因為佢問你佢係咩文體or 有咩格式果陣
果d 野係常識果到學番黎, 而且因為有文言文, 自修可能會少左平時老師比你做練習既機會
因為文言文係做得多先好

3)課文內容 , 自修既就冇人同自己解訏文, 講notes 同分析比自己聽
買精讀都未必有老師講比你聽果 d

4) 自修就會冇小測, 小測測得多先會了解個答題技巧, 同埋冇人同自己 tip 題

5)其實文學都幾多野背, 但真係多勞多得既一個科目, 如果覺得應付得黎, 呢一科唔錯, 因為只係背背背背背

其實自修唔係唔得, 但最好就可以搵到老師幫你啦
但可能會覺得有少少失望, 因為會覺得好多時都只係死記硬背
不過考試就係咁
希望幫到你