智慧齒搞到我好辛苦啊！

我之前都經歷過出智慧齒嘅痛苦，好明白你而家嘅情況。
我當時去葯房問，佢哋幫我執咗d抗生素同消炎葯，日頭食完，夜晚就唔痛lu。

我個case同你一樣。我下顎有兩隻同你一樣o既智慧齒﹐都係向橫生。

我去做牙科檢查﹐醫生同我照埋x-ray。因為我兩隻牙都唔痛﹐又冇影響其他牙﹑講野﹑食野﹐所以一直都係觀察住。觀察左兩年幾﹐右邊o個隻時不時都有少少痛﹐但用d漱口水“o拿”下又冇事。左邊就完全乜事都冇。後來夠期檢查﹐醫生話﹐右邊o個隻成日“作”發炎﹐遲早都會有問題﹐所以建議我剝左佢。

剝牙o個日都冇乜特別﹐之前唔使戒飲食。入到去﹐打支麻醉針o係牙肉(有人話好痛﹐我就覺得好似俾針仔“吉”咁﹐唔算痛wor....)﹐然後就開始剝。由於隻牙好大﹐大部份又俾牙肉包住﹐所以要先割開牙肉﹑將隻牙割開兩邊﹐割斷晒個齒冠﹐然後續塊牙碎片鉗出o黎。因為隻牙大﹐所以個傷口要縫3針。成個過程都唔晒一個鐘﹐打左針又唔痛。剝完牙我都冇乜點唔舒服﹐立即返屋企。

大約過左個半鐘﹐就拎返止血o個舊棉花出o黎。拉緊棉花出o黎o個時都流左d血﹐不過又唔係好多﹐唔駛咁驚。因為個傷口都大﹐所以未止得晒血﹐但都要忍住痛用d暖水漱口。d麻醉藥過緊﹐開始唔舒服﹐唯有拎個冰墊敷住塊面﹐然後墊條毛巾o係頸(因為麻醉藥未過晒﹐d口水會流出o黎)﹐返上床訓覺。訓左3個鐘﹐傷口止晒血﹐個人都幾精神。跟住食左杯雪糕冷凍下個傷口﹐夜晚已經可以食粥喇! 第三日已經可以食飯﹐一個星期後直頭好似乜事都冇﹐不過塊面就會成個禮拜先消得晒腫。

一個星期後去拆線同檢查﹐完全唔痛﹐個傷口表面都埋晒﹐但o個個位就一大個窿﹐要等d牙骨慢慢生返出o黎。大約個半月後﹐舊牙骨生返﹐個窿就冇左﹐完全冇事。

我右邊隻牙都好大隻架! 有成隻手指公指甲咁大隻! 剝左牙3年幾﹐一直都冇問題。雖然冇左右邊隻牙﹐但左邊o個隻又係咁大﹐都係唔夠位出。不過醫生話既然佢冇變化﹑冇痛﹑冇蛀﹐可以觀察住﹐唔使剝。隻牙跟左我5年幾﹐一直都冇事﹐又冇乜點長大﹐所以我都費事剝佢! 我表姑姐又係有一隻橫生﹐出左20幾年﹐而家都冇事!

我諗你唔使即刻剝o既﹐最緊要等你個大牙個傷口好返先啦﹐然後再決定囉! 同埋要乾淨d囉﹐如果唔係一有蛀牙就好易惹埋隻智慧齒! 不過﹐如果你隻大牙係因為蛀牙而剝﹐你最好都係檢查清楚d隻智慧齒﹐睇下佢有冇受感染。你去問下牙醫意見先啦﹐如果照左x-ray發然隻牙好近神經線﹐咁你就要考慮剝左佢。

如果你想睇我剝左o個隻牙﹐可以send個email俾我﹐我再send佢張相俾你﹐等你睇下佢有幾大隻﹐同埋點樣俾人“一分為二”! 你click我個名﹐然後click右上角個“寄信”就send到email俾我架喇^^ 記得留你個email address wor, 如果唔係我send唔到attachment架^^

我未出,但真係好痛,
推介牙醫

原先由舊同事介紹，收費合理，細心、盡責，有問必答，不會趕你快點走，看了8年多，洗牙，補牙，度牙根，拔智慧齒，都做得好好，最重要是 - 沒有痛的感覺。 早上度牙根，下午已正常開飯了！值得向大家推介。

丘慧麟牙醫
慈雲山慈正邨正和樓慈正商場1期地下10號舖
電話：2354 5166

如果智慧齒完全埋在頜骨內，沒有任何徵狀，便不需要處理。
如有以下情況，便要考慮將『阻生智慧齒』拔除：



智慧齒出現問題：


覆蓋智慧齒周圍的牙齦經常發炎，引致復發性『智慧齒冠周炎』


曾患嚴重性『智慧齒冠周炎』


智慧齒嚴重蛀壞、有牙周病、牙髓炎或牙根尖周圍有病徵出現
阻生智慧齒引致鄰牙的牙根萎縮


包裹著智慧齒的牙囊腫脹，會有可能破壞頜骨組織。如發現有這些徵狀，必須將腫囊及阻生智慧齒一併除去