怎樣向他表示？

✔ 最佳答案

係啦其實已經係兩公婆，有乜都見過哂啦仲怕醜？而且大家理論上都唔應該收埋自己嘅諗法，性需要咪性需要囉，有乜咁難以啟齒呢？咁老公都唔嗲嗲邊個喎．．．．？再者夫妻間嘅性生活得到協調，妳挑吓我時我又逗吓妳，大家透過靈慾合一，夫妻兩人嘅感情就會有昇華，反之一味得老公向妳挑逗，而妳就一路唔得主動，咁慢慢就會變得索然無味啦～
諗得衰啲，玩吓手妳老公以為妳性冷感，又或者唔鍾意同佢做，一陣俾佢誤會妳，或者佢因為咁而唔再需要妳，咁咪弊傢伙囉～

唔駛講，做！！
好似樓上話齋，只要用返啲技巧去挑逗吓妳老公，譬如話買套 Sexy 少少嘅蕾絲內衣，著嘅時候上面要真空，只著條內褲若隱若現咁，哼哼．．．．．．咪睇少哩啲嘢，身形嘅觀感帶俾男人嘅性慾望係超乎妳想像o架！
喺床上嘅時候，溫柔咁攬住佢，輕輕咁錫佢敏感地方，好似臉頰呀、耳仔呀、頸呀咁，一隻手就輕輕咁來回撫摸佢心口，輕輕掃下乳頭…，最好唔好一吓就摸佢私處，因為如果咁做會令妳好似如狼似虎咁，怕會嚇親妳老公，況且哩啲嘢係要引吓引吓咁先有趣味嘅，玩吓手佢對妳嘅溫柔另眼相看呢！喂做到咁，作為一個男人絕對唔會話對哩啲訊號冇反應嘅，除非倒返轉佢性冷感或者唔想做，唔係的話男人冇理由都冇需要嘛～

如果佢話好累，咁妳咪做多少少，詐諦請纓幫佢按摩，哩啲應該唔會拒絕嘅，最多咪寸妳兩句：轉性呀？／咁好死？係咪想買咩呀？（哩個要睇吓妳平時有冇哩啲情趣而言囉）咪叫佢背住妳坐起身，俾啲力真係幫佢按摩令佢舒緩咗精神同埋身體疲勞先，按吓頭按吓肩膊按吓背，期間詐諦用胸部挨吓佢，到你認為按得七七八八咯，咁你咪慢慢放慢手腳喺佢後面慢慢兩邊探雙手按到佢胸口作半攬狀，哩個時候就要變成撫摸佢胸口，喺佢背後挨埋去，從後錫吓佢．．．．按摩按到咁舒服，精神鬆哂，加上溫柔嘅撫摸，相信再累嘅男人都唔會抗拒哩種誘惑啩～？
妳做唔出？唔怕衰啲講吖，綁得住老公都係靠哩啲o架咋女人～！剩係愛心湯加住家飯已經唔適合現今週街飯堂嘅社會架啦．．．．

好嘞，如果做到咁佢都係話唔駛唔想搞，咁你吊哂癮都要先忍一吓啦，等下次再試時睇吓佢會唔會仲係咁嘅反應，了解吓原因，從而作出對策啦～或者要睇睇點醫性冷感，不過就唔好先一口咬定話佢出面有第二個囉，咁盞撩交嗌，妳又冇証冇據，牌面妳實輸哂敗興收場，玩吓手變成家變都唔定添。不過哩啲題外話啦，我唔知妳老公咩情況，但係我相信哩個只係妳自己本身突唔突破到自己嘅問題嗟，你老公本身應該冇問題嘅～

以上嘅嘢原諒我會講得露骨少少，如果唔係咁我驚妳唔明，所以我直接了當咁透過實際嘅做法，希望妳能夠放開懷抱，可以開心見誠咁面對夫妻間嘅情趣，就唔好認為夫妻間嘅性係咩難為情嘅嘢，可以話妳知，夫妻間坦誠相處乜都可以講可以做，唔應該有難為情哩回事嘅．．．．有！不過係為扮嘢氹老公而扮嗟，但唔係真難為情囉～（扮得傻豬啲吸引到老公錫多啲，何樂而不為呀係咪先～？　>_^）

祝妳從現在開始同妳老公有美好而愉快嘅性生活啦～

2007-09-16 13:38:46 補充：
蕾絲睡衣．．．我寫咗蕾絲內衣，內衣已經係最裡面嗰件，入面己經真空咁仲點樣真空呢真係．．．對唔住～　^^"

回答 (2)