做好事為了避報應, 基督會prefer我 做定唔做?

引用聖經章節既, 樓上Little Duck君已完滿解答, 係呢度我只係想抒發一下感想.
3) 這是普遍香港人助養貧窮地方小孩 的心態嗎?
我唔可以代表全香港人說話, 只係覺得一眾籌款節目成日講既[善有善報, 福有攸歸]真係好多傳統既香港人既諗法: 積多d德. 而新一代香港人未經戰火, 經濟簫條等踐踏過, 一般比較感性, 愛心爆棚, 對d貓貓狗狗尚且好似人仔咁養, 何況貧窮地方小孩, 更加觸動惻隱之心, 再加上好多其他原因:
1. 柴娃娃咁百萬行, 你去我又去!
2. 辦學機構籌款, 捐得多分分鐘可以入名校! / 捐得少既家長, 你個女係咪下學期唔讀啦? +[黑面
圖片參考：http://hk.yimg.com/i/icon/16/33.gif
]
3. 饑饉30我都橕得住, 睇我幾勁! / 跑麥徑100公里, 我都得啦!
4. 嘩, 有劉德華睇喎, 捐一千幾百都冇問題...
5. 我跑得完馬拉松十公里, 你就嫁比我啦! [睇新聞, 真係咩人都有
圖片參考：http://hk.yimg.com/i/icon/16/17.gif
]
所以囉, 怕報應係其中一種諗法, 仲有好多其他諗法都好普遍既. 最緊要既係對d災區既細路係好事既, 出發點係咩都冇咩所謂.
4) 可以發表下自己的感想~~
在下n年前聽主日學既導師講, 點解[上等痛悔經]係叫做[上等], 到底有幾[上等]? 痛悔罪過如果係因為怕比天主罰, 就流於下等. 但係 [今等為愛天主在萬有之上, 專心痛悔, 決意定改, 寧死再不敢犯天主的誡命...] 係因為愛天主, 知道天主因為人既罪而唔開心, 所以痛悔係上等. 言下之意, 雖然怕受罰而發痛悔係[下等], 都冇話係白做既...只係導師冇教[下等痛悔經]點樣念喎
圖片參考：http://hk.yimg.com/i/icon/16/10.gif

就算你出發點係為左係天上積聚財寶, 係就係唔[上等]架啦, 不過唔會一d功勞都唔記. 總勝過明明有能力, 明明知道有人需要幫, 而特登唔去幫. 例如有刑事案件發生, 在場既人唔幫手, 唔報警, 只作圍觀, 會視為幫凶. 咁為左你既唔出手幫人而犯多一條罪, 你話係咪仲唔抵?
你唔做善事既, d有需要既人始終得唔到你既幫助喎... 而就算係唔可以增加你天上既財寶, 呢d人唔值得幫咩?你冇能力幫咩? 係現世令佢地生活得好d, 有尊嚴d, 唔好咩? 一定要等佢地死後上天堂先有好日子過, 咁樣又好咩?
你做左善事, 怕天主第日唔入你數, 係白做. 呢個我能理解. 咁係白做啫, 唔係做左反而因此落地獄就得啦.
就算幫左人唔記你功, 唔幫人就會記你過架啦, 你仲唔快d去幫!!!

2007-09-17 11:18:39 補充：
2) 神會否因為你做過好事, 而原諒你做了錯事呢? 昨天主日讀經係蕩子的比喻.路15:11-32. (http://www.catholic.org.tw/bible/)呀細仔荒淫渡日, 散盡家財, 回去同呀爸講: 我得罪了天, 也得罪了你. 我唔敢做返你個仔, 我幫你打工得啦. 而呢個呀爸即刻認返佢, 仲開左個party 歡迎佢.天主係唔鍾意人犯罪, 但你係真心回頭既, 一切都立即赦免了. 個細仔本來係想打工補數既, 就好似樓主講, 搏下做返d好事, 而原諒佢做了既錯事. 佢都未做, 就得到原諒.

2007-09-17 11:19:05 補充：
呀大仔好唔開心, 佢一生為人正直勤勞, 卻未得過一隻小山羊. 妒忌呢個細佬. 呢d就係人既諗法: 惡有惡報, 抵佢折墮, 點解唔等佢做返幾年奴隸, 補償左先至認返佢呢? 而天主就係咁做, 因為, 天主係緩於發怒, 富於慈愛忠誠.[寬恕] 呢個都係在下每日既功課. 主禱文裡: 求你寬恕我們的罪過, 如同我們寬恕別人一樣. 所以呢, 要神原諒你, 你就要原諒你的鄰人, 仇敵, 包括你自己以前既錯. 今日開始, 從新效法基督咪得囉!

瑪竇福音：第七章21-23節：
不是凡向我說『主啊! 主啊!』的人，就能進入天國；而是那承行我在天之父旨意的人，才能進天國。到那一天有許多人要向我說：『主啊! 主啊! 我們不是因你的名字說過預言，因你的名字驅過魔鬼，因你的名字行過許多奇跡嗎?』 那時我必要向他們聲明說：我從來不認識你們；你們這些作惡的人，離開我吧!
因此，如果內心不信主，不真心承行主的旨意，不能得救。
路加福音第十六章9節：
我告訴你們：要用不義的錢財交結朋友，為在你們匱乏的時候，好叫他們收留你們到永遠的帳幕裏。
因此行善雖然只是為自己，亦非無益，起碼有人可以受惠，可減輕自己的罪。不過如果能真心行善，奉行愛天主在萬有之上及愛人如己的原則，得救的條件會更大。
瑪竇福音：第六章1-4節：

你們應當心，不要在人前行你們的仁義，為叫他們看；若是這樣，你們在天父之前，就沒有賞報了。所以，當你施捨時，不可在你們前面吹號，如同假善人在會堂及街市上所行的一樣，為受人們的稱讚；我實在告訴你們，他們已獲得了他們的賞報。當你施捨時，不要叫你左手知道你右手所行的，好使你的施捨隱而不露，你的父在暗中看見，必要報答你。
如果你行善時，只是為自己的光榮，別人的讚賞其實已是賞報，則天上的賞報自然就會少了。