(20分)我想問下14歲的女仔可以用咩化妝品同護膚品?

clean&clear一d都唔好用=.=
我覺得曼秀雷敦仲好d~]
我之前成面粒粒...用左曼秀雷敦之後~
e+都好左好多~(其實可以更好~但我沒有恆心)
仲有其他幾隻牌子..但我唔識打..ZO111(類似),呢隻牌子有支綠色GE,可以卒哂D死[被]出黎,但我唔知幾$
仲有一隻...韓國的BEAUTY CREDIT,有個[米]字的

14歲的女仔~~~膚質那麼好~根本就不需要用保養品~~18歲以上才開始使用會比較好~~

我都認為,14歲的女仔唔需要用太貴的護膚品。
不過又唔可以唔用gei,因為有d護膚品就好似你每天用的個人護理用品一樣,係必須的。
你咁年輕,就唔使用太多野,用好簡單的就ok。

護膚:
step 1: 洗面
我覺得你呢個年齡,最重要的其實是清潔。
因為你而家係青春期,面部油脂分泌會較多,較容易有暗瘡,黑頭等問題,
所以一支洗得乾淨的cleanser好重要。
乾/中性皮膚:neutrogena的liquid neutrogena,洗完不會太乾。(約$75)
混合/油性:neutrogena的deep clean foaming cleanser,很乾淨。(約$50)

step 2:爽膚
好多人都會忽略呢個step,但其實好重要,因為用toner可以幫你抹去面上殘留的cleanser和油脂。所以你應該從年輕開始養成用爽膚水的習慣。
Loreal的gentle toning water不錯,保濕得來夠溫和。(約$60)

step 3: 潤膚
清潔完皮膚之後,最好要搽番d moisturizer滋潤一下肌膚,尤其是夜晚,冬天乾燥就不用說,夏天開冷氣的話都要小心,因為冷氣會抽乾皮膚的水分。
你呢個年齡用lotion會好d,用cream就太潤啦,會好易塞毛孔,引發粉刺,油脂粒的問題。
日間:而家用防曬是好緊要的!!!!!!愈早識得防曬,日後皮膚衰老的機會就愈少,比用任何抗衰老產品都有效。neutrogena的mositure defense lotion SPF15應該會適合你,因為質地好清爽,我16歲的時候都是用它!($89.9)
夜間:我覺得loreal的hydrafresh moisture不俗,同樣是質地清爽,保濕得來不會塞毛孔:)
或是seba med的補濕啫哩都好,沒有油分又夠保濕(約$85)

skin care方面,應該你做完以上簡單的步驟就ok了,很方便,不會花你很多時間。
你得14歲,用呢d simple的東西已經好夠,唔使用精華素,mask等等的東西了,
否則只會加重皮膚的負擔,又會有粉刺,油脂粒等問題。
你見我只推介你用neutrogena等護膚品就是因為它們比較溫和,比較適合年輕的女孩子用。
另外,暫時唔好用貴的護膚品,因為佢地都比較「補」,太多營養的話.年輕皮膚可能會受唔到。
所以你在挑選護膚品都是緊記:性格溫和,能夠補充水分便可以了。

化妝品:
基本上我不鼓勵你化太多妝,因為化妝係真係會傷皮膚的,尤其是粉底,一定會堵塞毛孔。不過間中化下就無傷大雅的:)
我建議你如果臉上不會太多瑕疵,就可以淨係用胭脂,遮瑕膏,睫毛膏就已經能令你看起來精神好多,又冇咁傷皮膚=)

胭脂我會推薦你用maybelline的,尤其是而家佢有出到1盒2色,你想點配搭都得。
睫毛膏都係,一向都是maybelline最好用,我覺得佢的intense XXL和Unstoppable都好好,又易控制,好適合初學者用。
遮瑕膏我就推介Loreal True Match Concealer,比較易搵到適合你膚色的,又潤d容易推開d。
如果你真係想用粉底,我會推介maybelline的white stay mousse,因為對初學者來說,用liquid foundation會比較難控制,好易會搽到一攤攤,不夠均勻。mousse foundation則容易用好多。
至於眼影,你去sasa,卓悅買一大排果d的確好抵,我以前都試過買,不過結果是其實好多顏色都是藍藍綠綠咁,你都唔敢用出街啦...所以唔係咁實用。我都係建議你見到岩色先買,而唔好買一大盒果d啦。
最後最後要提提你,化妝就一定要徹底卸妝,如果唔係皮膚就傷上加傷啦!!!
我覺得neutrogena的卸妝乳幾好,洗得乾淨之餘,最好就係連防水睫毛液都洗到!!!

以上呢d都係我之前幾年的經驗(我今年18)...希望真係可以幫到你啦。:)

化妝品你可以買d平平地
眼影:你可以去sasa or卓悅買d一大盒又勁多色果d
而且d色又靚又唔假 但係係粉狀(粉狀冇膏狀咁貼 但係易d落妝)
又平又多色又方便!! 約$30蚊

胭脂:果盒眼影應該會送埋 ..
如果冇,你都可以去sasa or卓悅買vov胭脂(我朋友用梗+我都用過)
隻色幾靚 價錢我記得約$90蚊(你帶定$100蚊到)
其實你一入去 佢地會有個架擺左好多胭脂 有d亂果到
佢d胭脂都好平架 我之前買過一盒 $10蚊咋

粉底液:Maybelline(isabella果隻)
我覺得唔錯 幾岩我 又幾貼 $80-90蚊

粉底:max factor(補妝)
我覺得都ok既 價錢我都唔係好記得 好似2百幾 預到$300蚊ok
其實你可以買平d架!!

碎粉你其實可以唔洗買 其實14歲化妝唔洗攪咁多野

我覺得化妝品同護膚品唔洗貴
平平既化妝品都已經可能令到個妝好靚!!
眼影既色自然 胭脂既色襯自己 白用粉紅 黑用橙紅or啡 搽得自然
粉底液:合自已既膏色 薄薄既一層已經可以 唔好搽到一撻撻^v^

14歲唔需要買咁貴既化妝品呀!!(我覺得14歲其實唔洗用化妝呀)
不過如果你真係想化妝 淡淡的就可以了 ..

護膚品你可以水 洗完拍拍d[song]膚水就ok啦
咩都唔洗攪 i think14歲既皮膚唔會差得去邊姐
我覺得你年紀再大d先好用護膚品 ..
因為我聽過我朋友講(我朋友讀美容)佢話如果細細個就用護膚品既話,
你d皮膚就適應左用護膚品
而且可能你e+用$20蚊一枝洗面膏 越大用既護膚品就越要貴
因為你既皮膚己經適應左枝$20蚊既洗面膏 so再用都冇咩效果
so你就會去買過d貴d既護膏品
so我覺得用水會係最好 到你認為自己真係要用護膏品先用^v^

我同你都系14歲~我日日都有用雪完美護膚品KA..我妈之度几好.眯BUT比我咯.....
我用了一个月~OK啦.....我没用化妝品GA..大D只用~!

clean&clear都幾岩後生女用咖...