由長隆酒店點樣去祈福食街? 需時多久? 6個大人坐的士還是坐公車較化算? 市橋在哪裡? 有咩好做?

長隆酒店去祈福如你有六個人最好租架麵包車會舒服d ~ 坐的士會很迫~分二架又唔化算~如硬係要一架車晒佢會收貴 d 大約60蚊因係不合法車咁多人既~我地上 week 去過一程麵包車去祈福40蚊~返都可叫返佢車~我地上次 call 開果個叫 豪德~佢手機: 13113957846 佢都老實架~架車都幾新lor~ 你喺酒店房 call 佢就平過自己手機call ~ 酒店 call 本地只係幾毫子~
如果要坐公車好似要轉車去到長隆附近有個地鐵站再轉公車入祈福~詳情可問酒店內既人~
有冇試過祈福新村巴士總店過馬路果邊有一間叫貓頭鷹的餐廳食炭燒蠔同飲酒~炭燒蠔都係10蚊3大隻~好香口~(我地去親祈福新村一定會去果度食既)~我地果日六人每人食左五隻~果度仲有炒烏冬or 炒飯果d 飽肚野食~唔錯架~
仲有祈福新村既半山區既會所叫王真真既泰國餐廳~食佢既泰式生蝦同咖哩肉蟹(78蚊一份)都係勁正既~仲有明爐烏頭魚(48蚊份)~海南雞都好食~如果你叫麵包車都可叫佢車埋你入去(但呢區好似要有業主証)~我地就有人有lor~
市橋係廣州市中心到啦~都會有local平野食~有街行~買下平衫咁~
睇馬戲團果度冇air cond~係都幾熱下架~但而家秋涼晚上就冇咁焗~佢7:30開場~睇個半鐘倒~9:00完~完左喺出面歡樂世界果邊仲會放成10分鐘煙花~好靚~如你有去長隆既水上樂園買馬戲團票就平過喺酒店買~酒店100蚊張~水上樂園70蚊張~酒店行5分鐘過去就得~yes~ 早半個鐘去霸位就有中間d 好位坐~otherwise 我地上次7:25到就要坐側邊但可坐到前 d ~ 但都睇到既~只係冇咁好觀感~