請問E隻咩狗來?

✔ 最佳答案

呢隻狗係比高...............

2007-09-15 02:46:49 補充：
你隻狗的品種是比高。你隻狗狗有幾大﹖狗是要從小開始教佢ga...大個左先黎教就冇用...最好在狗狗7個月大之前教佢野...狗狗發脾氣都會四周圍大小便，或者是你打佢，佢不滿於是便四周大小便來發洩...四周大小便同抓報紙呢d行為有幾個可能性...發脾氣，引人注意，無聊等等...如果你果隻狗仲係幼犬，飲好多水係正常的。

2007-09-15 02:47:09 補充：
訓練大小便的方法如下....先要掌握狗隻通常大小便的時間，通常是在活動後，還是在醒來或餵食後；而有些狗隻往往在小便時會轉來轉去，並嗅嗅地板，所以你可利用報紙或家居衛生習慣作訓練。訓練方法是，首先可把小狗困在易於清潔的地方裡，並鋪滿報紙在地板上，當發現小狗對某一區域特別喜好時，就可以把其餘的報紙拿掉。然後，你可逐漸將報紙移動到你想的位置。但是，如果牠沒有在正確地方大小便的話，千萬不要懲罰牠，因為可能會就此會患上膽怯性小便之類的毛病。希望幫到你吧..... =]

2007-09-15 02:56:05 補充：
仲有...佢抓報紙抓地下，大概是因為牠悶吧！有時候你也要和佢玩下嘛。狗是很有靈性，有感情的。誰對牠好，對牠壞，牠知道的。至於牠咬人的腳。改善方法如下...當牠咬時，就輕輕的用手指公及食指圈住牠的小咀，然後用手指著牠並用嚴厲少少的聲線話佢...記住一定要比狗狗知道好與壞的分別...因此你平時一定要用正常的語氣對佢，適當時要用溫柔的聲線稱讚佢，佢做錯時唔一定要打，但要用比較嚴厲的聲線來話佢...當佢飲浴室d水同食垃圾時，你也可以輕輕的用手指公及食指圈住牠的小咀，然後用手指著牠並用嚴厲少少的聲線話佢...

2007-09-15 03:05:31 補充：
狗的智慧只相等於一個小朋友，理解力低，頑皮也是正常啊！請用愛心去對待佢...長期打佢話佢，只會做成反效果。無論人和狗都喜歡人讚多過話...當你比佢知道比人讚的時候係點...個感覺係好既...佢就自己然會乖...仲有佢成日吠...你可以9唔9用清水灼d芹菜比佢食...芹菜幢含有一種成分，呢種成份可以降低狗狗體內的一d野(我唔太記得了= =sorry)...令佢減少吠...我睇狗狗雜誌得知的...但我都有試過咁樣比自己d狗狗食...仲有當佢吠時，輕輕的用手指公及食指圈住牠的小咀，然後用手指著牠並用嚴厲少少的聲線話佢...以上是自己小小心得...希望幫到你吧..

2007-09-15 03:19:35 補充：
佢4個月大咋...唔洗擔心，仲可以教佢...佢仲係bb黎ga...咬野好正常，你要買d野比佢咬下，因為佢5個月大開始換牙，而家發牙痕呀...你困佢係露台，佢吠，極有可能因為接觸唔到你地。照你咁講，其實你地打算係咪比佢係露台大小便先...如果係有個方法...我自己都是這樣...你去寵物店買一d小圍欄...你將狗狗放係露台...但你地唔好關門，正係用欄黎隔住...等佢都仲見到你地...然後在露台放哂報紙，等佢係到大小便...

2007-09-15 03:26:44 補充：
當過一段時間...佢開始習慣時，你就試下放番佢入屋行下...等佢大小便時睇下佢會唔會去番d報紙到，如果唔會就見佢一亂大小便時立刻話佢and抱佢去正確的位置比佢聞下d報紙。不過其實正常，狗狗5個大前都儘量困佢係狗籠到養會好d ga...一來衛生問卷，二來佢住慣籠會適應到報紙上大小便...因為籠底都會用到報紙...你們亦要唔好比佢一吠就遷就佢，例如，見人食野，佢吠你就比佢食....佢一吠你就比佢入屋。佢吠時你遷就佢，佢就會用吠黎向你們訴求ga喇！即是亂吠...有時嘈到都要忍一忍ga喇...如果因為佢嘈而放佢入屋係冇法改善佢的行為ga...

2007-09-15 03:27:49 補充：
我自己隻史納都係成日吠，但佢吠我都唔應佢，話都唔話...佢吠得多見冇人理冇人應都冇吠lu...另外多d同佢出下街都可以令佢少吠d ga...狗狗出街玩完，精力會冇咁旺盛...就會訓教ga...不過你隻狗狗就要等到5個月大打完瘋狗針先可以出街...減少病的機會...出唔到街的話，你地不斷同佢玩...玩下拉扯遊戲丫...咁樣會好d ga...狗其實都有壓力ga...佢的壓力是來自己冇出街，冇得玩...所以真係要定期同佢玩同出下街行ga...呢個係真ga...

2007-09-15 03:28:57 補充：
仲有訓練大小便要快d教好佢喇...冬天好難教ga...因為冬天，狗狗會少左小便ga...

2007-09-16 00:48:00 補充：
如果係咁就真係難攪d...不過你地也可以儘量就一就佢先啦...佢係露台大小便，雖然位置不定，但最少已縮細了範圍先，你地儘量露台放滿報紙，留意佢一段時間(e.g.幾日or一星期)，佢一大小便就會聞地下，久而久之你們可以將報紙的範圍再減少黎睇下佢會唔會去番報紙到去。

2007-09-16 00:48:24 補充：
至於食飯時佢吠，你地可以試下唔好關門，比佢望到你地既....因為狗狗會係見唔到主人時而感到憂慮而亂吠，唔係正係係屋先會，係街都會ga...如果開住門都吠的話，你地都唔好話佢，仲之佢有佢吠，你有你地食，日子耐左佢就會明白原來你地食緊飯時佢係咁吠都係冇用，佢就唔會吠ga喇...因為佢吠時你地越話佢越係回應佢，佢就會覺得咁做係有用...咁當然唔係話三幾日就可以做到...都要比d時間佢...

2007-09-16 00:48:45 補充：
同埋根據狗的心理學去睇...其實佢屋內，但又比狗帶牽著，佢地會覺得這是一種對佢的虐待，係真ga...佢會因此感到壓力而吠...可以的話，真係唔好用狗帶，去寵物店買果d圍欄黎幫幫手會好d...果d欄唔係好貴ga咋...我家都有用...大約150-300都有，唔同質料就唔同價錢...最好真係儘量減少同大門黎阻隔狗狗...多數都會反效果的...狗唔同貓，狗係好怕一個ga...

回答 (2)