德國男足問題

我也是德國fans (自1990西德三奪世界杯起)。

首先我認為如果是fans就不要說甚麼原本係之類，真係忠實fans，就要支持到底。曼聯近幾年成績都不好，但香港仍有大量曼聯死硬支持者。英格蘭近幾十年國際賽成績之差大家有目共睹，雖說球星如雲，但如此成績，球迷們總不成說英格蘭水準很高吧，但香港極大部分英格蘭球迷仍然不離不棄，這才是fans表現。

德國近十年水準的確明顯下降，但作為fans應該不要放棄，而且德國已過了她的最黑暗期，由波歷克打後，新一代德國隊成員：列文、小豬、拿武、高路斯、古蘭爾，普度斯基，梅廸隡卡，梅斯達等等，雖不能說全都是世界一流球員，但德國一向打整體，打戰術，從上年取得世界杯季軍，到目前在euro外圍賽小組上遙遙領先，都已証明現時德國已重回世界一線球隊之列，就算你早幾年失望過 (忠實如我又何嘗不是)，現在都應該有守得雲開的感覺。就算你曾經想不再支持德國，現在也應該再做回fans吧。

真正fans是高潮低潮時也支持的，如果因為球隊戰績不好便不支持，雖然你可說是因為球隊水準下降 (聽落好像很有道理)，但說穿了只是跟紅頂白罷了。(看看上年世界杯時yahoo留言版那些德國fans留言吧！就知道一個真正的德國fans應該是怎樣的)

絕對唔係啦，98世界盃後德國的確踏入左好長嘅黑暗期。自從2000年主場輸比英格蘭1:5 就有成6年多未於90分鐘內嬴過一線強隊。雖然2002世界盃得倒亞軍，嬴得毫無說服力，作為fans嘅我都覺得佢地踼得好差，不過06年世界盃德國表現有目共睹，攞季軍有絶對說服力，甚至有人覺得如果簡華拿於禁區內犯規時球證有罰12碼，入決賽嘅會係得德國。

邊道跌低，邊道企返喺身，2007年德國作客2:1攻敗英格蘭，終於結束對強隊不勝魔咒，宜家於歐國盃外圍賽一枝獨秀，世界排名由10大以外從返第5，宜家嘅德國年輕一代人才輩出，近期冇左一班06年世盃國腳出賽都未逢敵手，可見德國尚有進步空間，好明顯德國正在復甦，又點會係水準年年下降呢?

都唔係呀...近兩屆世界盃都入到4強

2000年10月, 夏文一腳射跨英格蘭, 令德國成為最後一隊喺舊溫布萊球場擊敗英格蘭國家隊既球隊.
2001年9月, 贊卡喺慕尼黑為德國領先英格蘭, 誰不知最後勝利者係英格蘭, 比數仲要係驚人既五比一, 呢場波既各款紀念T恤隨即喺英國大賣特賣. 喺香港睇直播既球迷, 無論英迷定德迷, 當晚完場後都難以入睡.
2007年8月, 德國黎到新重建既溫布萊球場, 結果喺先失一球下, 二比一反勝英格蘭, 成為第一隊喺新溫布萊贏主隊既大國腳. 今次難免又輪到德國球迷招積一番.

新鮮?? 新鮮!!

講番今次德國隊, 都可以用 "新鮮" 兩個字黎形容:

1. 新鮮的列文
列文繼喺聯賽一開波就喺禁區內傳畀富咸希亞利射入, 再將布力般鄧尼冇威脅既遠射彈入之後, 呢場又先失一個近柱波畀林柏特, 繼後一次出迎又送超級大禮畀奧雲, 惟奧雲亦 "你敬我一尺, 我敬你一丈". 列文呢個月D瘀事, 的確鑊鑊 "新鮮" 鑊鑊甘!!

2. 新鮮的彭達
04年底因傷錯過晉身大國腳既彭達, 苦等兩年幾終於成為國家隊 "新鮮人", 結果佢以一記超靚炮彈遠射慶祝其國家隊DEBUT. 除左遠射, 呢場好多自由球同角球都係佢斬, 落點及弧度同喺球會賽事一樣咁靚, 可見佢處理定點球真係好掂. 不過防守造詣上, 佢就明顯仲係十分 "新鮮", 第一球面對身體質素奇好既米卡李察士, 出腳時間唔準, 及後亦唔只一次回防唔切造成左閘位有漏洞, "圖片報" 畀彭達既評分只係中挺既3分 (1分最高, 6分最低), 可見防守表現上令佢扣左好多分. 下次代表國家隊時, 要留心啦!!


圖片參考：http://f20.yahoofs.com/hkblog/w9EH1_qeEQLMCwiDLJVvmWSy_6/blog/ap_20070823104923266.jpg?ibAIH7GBV8F4yPRB


3. 新鮮的拿姆
本身打左右二閘既拿姆, 呢場轉打正選防中, 即使佢以往都客串過呢個位, 但仍然係件 "新鮮" 事. 從呢點可見喺冇左芬寧斯之下, 德國隊最唔夠人揀既位置, 就係防守中場.

4. 新鮮的希拔
第三次代表國家隊既希拔, 對國家隊黎講仲算係好 "新鮮" . 下半場佢入替奧當高, 表現同狀態亦明顯比後者為高, 反而一向以速度聞名既奧當高, 就一次成功快放都冇做到. 加上希拔波底比奧當高好好多, 國家隊前途亦應該較值得睇好.

5. 新鮮的德國
一隊冇波歷克, 冇芬寧斯, 冇高路斯, 冇保路斯基, 冇舒韋恩史迪加既德國隊, 感覺真係好新鮮!!

舜文
23.08.07


圖片參考：http://f20.yahoofs.com/hkblog/w9EH1_qeEQLMCwiDLJVvmWSy_6/blog/ap_20070823104539459.jpg?ibAIH7GBoDNM68px