939的而家應該入嗎?

我唔建議高追~

升咁多先諗，唔係呀~雖然話佢目標$7.5姐，不過風險高~
重有雖然話佢息差收入最好姐，又有中期派，不過計出黎，佢比其他銀行有三成溢價，市帳率去到成五倍~佢係咪真係好過其他銀行同保險股咁多先~小心發完A股仆落黎呀~

另外，雖然我都係初哥，不過都有少少心得，希望可以幫到你，註明:(只係我覺得)我建議你就算入都等一等先，我估星期一會先跌一跌，咁好多人以為D股好低，追入........跟住坐艇，我冇估錯如果美國只減四分之一厘，議息記錄又冇咩講，消息就會被消化，更莫講唔減，就算減香港或未必跟減，個跌既大浪就黎~咁你先睇下咩位入喇~高追無益~

風高浪急，小心請君入甕~
純屬個人意見，只供參考~
本人持有國航(753)之股份~

好多人買股票都話長線 但好多時怕會跌 所以見有錢賺就放咗　其實　我都持有建行　我在3.4元買入 也試過升到6元 但因次按問題跌回4.6元 但我一於很少理 持有到現在
所以 如果你覺得是好股票 就無需估佢幾時是高位幾時是低位　

回歸A股前.最多有5-7毫子升.回歸A股有機會下調.
長遠D大家都唔知.上車與否,自行決定.!

我之前都買過939,亦己沽出。
我認為係可以買返,但唔好心急,因今日(14/9)升得太多,下星期大市有可能調整,而且回歸A股后股價會下調(唔知點解,一般回歸咗嘅股票都出現呢種現像),如果擔心次按問題,不如唔好諗銀行股,至於話會做大陸直通車的負責銀行,你睇3988股價而家又係點。
最終如果係諗住長揸,俾d耐性搵個低少少嘅位至入。