中煤(1898)

早日出左5000股@15.6.真有d後悔.
尚有5000股未放.14蚊買,有微利,睇吓往後市況發現如何?
我預期尚有上升空間.10月前上望18蚊.

656少睇,抱歉!
係賺錢一隻就夠喇!

我都係新手，不過都有少少心得~即管大家參考下~

若論1898同656，我個人覺得中媒(1898)會比較好~

原因: 1.中媒有回歸A股概念~
2.母公司可能注資，或購母公司資產~
3. 媒炭需求及價格持續上升~
4. 股價強勢

不過要小心，因為近日新股恆鼎效應，神華(1088)又回歸，所以連帶佢都一齊升左上黎~
本身中媒1898同洛鉬3993都偏貴~再升一升，水位唔多~

有一樣野，我希望我諗錯，而家不停講減息，由初初話唔知減唔減，講到而家要減四分三厘，講咩~但係D人聽到減息就炒呀炒......但係你睇下伯南克份人，咁死板，睇到D數據，佢都未必會減息，而家只係傳媒同政治壓力，要減都係四分一喇，當真實減左四分一厘，消息消化，會後議息聲明冇話續繼減，就幣喇，莫講話唔減就重大獲~
咁岩安倍晉三又落台，日元跌返，又比個藉口炒美股升，但美元始終都係弱~
內地又未見宏調，不過你唔好忘記早兩個星期大陸先加完息同存款金率~但你睇班中央官員都改口風話希望正利率~如果一加息唔止27點子，又幣嫁喇~不過機會就低d，唔好忘記上証都係高位徘徊，回套都好正常~

另外，港股而言: 破頸線，向目標25500點進發~
有幾個不利因素令到我有相當大的戒心~
一. 9天RSI背馳~14天RSI是75.29亦屬高位，代表超買~遠離250天線超20%~高危~
二. 一口氣升左5千幾點未有調整過，只有一日曾低開跌近700點，收市只跌3百幾~另外，上星期其實如果對技術走勢有少少認識都知上兩個星期有幾日都係好差~但都跌唔低~
三.資金自由行消息開始消化，而且又要延遲，都唔知幾時~並開始出現成交縮減~有少少乾升既感覺，而且唔係全面上升~
四. 美國似乎有陷入衰退既危險，一旦令環球經濟出現衰退，中國或香港可否獨善其身成疑問?
五. 美國是否真的減息?

所以如果要買都等美國真係減左息，睇一睇咩情況先喇~
冇可能一次過全部都係好消息，一d壞消息都冇既~
期指淡友已經開始佈署造淡，小心!唔好低估期指既力量~
我今日都減持中移動(941)同平保(2318)~
我記得有d書講過中媒1898好似叫係15蚊到買，目標20蚊~

不過講左咁多唔好，其實又唔駛過慮，後市我仍然看好(我唔講咁多喇，如果想睇我好個邊既分析就睇我的回答記錄)，我本來睇年底25000既目標，而家加左少少，應該有機會見26000~

本人持有中國國航(753)之股份~