bb把聲沙左應該點做....急!!

BB如果有唔舒服就必定"炆爭"，當然係第一時間睇醫生，不過醫生嘅藥用後亦要你嘅一啲配合。照你問題嘅內容，我估你個BB約4個月大，所以唔曉得表示自己嘅不適，所以除了用醫生的藥就不能再用中藥，以免中西合壁攪出個大頭佛。但你可以做的就係俾多啲暖水佢飲，水可以清除體內毒素，亦可舒援喉痛不適。每次少少，次數頻密啲，仲要每次都抱一抱佢、攬吓佢，佢就無咁"炆爭"啦。千萬不要自已擔心而煩燥，你個BB有你嘅愛心照顧，一定好快痊癒。祝你和BB都身體健康快樂！

2007-09-17 12:50:51 補充：
忘記ps，咁細嘅bb都係唔會熱氣嘅，可能係喊得多至聲沙，總之唔好冷親又唔好焗親，萬能藥－暖水，千萬不要亂嘢佢飲，如果攪錯會肚痾。

好似其他人話去看醫生先, 復完先再做其他,平時你可以煲紅蘿蔔水, 你個bb咁細, 飲1安, 大些你就加多些給他飲,一星期飲一次夠,飲多會臉黃, 或者你可以買保嬰單作為平時保健, 我個女bb的時候,都會給她飲, 信不信由你, 不過我十分明白你, 我個女出疹時,我都擔心都死, 祝你bb快些好

有時bb把聲沙左可能系發熱氣ga！
飲蜜糖都得ga....
你bb有幾大啊？
如果有7-8個月大以上，你可以試下煲d涼茶或潤ge茶過他/她飲，
如：蘋果或沙梨煲紅棗、少許冰糖（甜甜地就好啦，太甜怕惹痰）。
我家婆教ga，我覺得幾好ga，系這裡同你分享下，希望可以幫到你啦！
若然飲過後都見無效，最好搵醫生檢查下好d．．．

勸你還是帶他去看一看醫生好!!
因為bb出現一些特殊情況都是可大可小的。
無謂因一時節省金錢而令情況加劇。