影相時用閃光燈，人像偏向黃色，點算好？？

試吓在閃光燈上面加個白色的咭紙, 或者較入面影人同日間景果個mode. 我試過都ok喎.

原因可能有幾個你自己check啦.
1. 距離太遠 - 機內閃燈有效距離最多咪四五米? 如果遠過呢個距離就會唔夠照, 咁under左張相就變黃
2. 如果週圍都好光咁閃燈既 "美白作用" 就冇左
3. 色溫問題, 用左閃燈咁內置既白平衡就亂左, 可以試下用其他地景mode睇睇有冇改善.
4. 試下較部相機over半級至一級, 等張相光o的.

多數係因為你在室內黃燈光下又用咗自動iso影,又或者走得唔夠近影,超出咗閃光燈火力範圍.
閃光燈的光是白光,燈光的光是黃光,相機一定會主體先決,即係自動白平衡會就咗閃燈,原意係閃燈閃到的地方就啱色,背景就由得佢偏色.
但萬一閃燈唔夠力,就變咗黃光下用白光白平衡,人就會黃.
至於自動iso就會在弱光下提升到高iso,自動機的設定九成九是1/60s,最大光圈,於是閃燈過後現場燈光就會令人變黃.
方法係強制設定成低iso同埋確保主體在閃燈火力範圍內,咁現場光會被隔去大部份,主要光源得翻閃光燈,就唔會有偏色問題,但係缺點係背景會黑.輕便DC基本上可以做既都係咁多.
如果你唔介意外接大閃燈咁就係另一種做法.因為外閃火力大,你可以在外面加燈光filter,咁就可以做到閃燈跟燈光一樣係黃光.用燈光白平衡影就唔會有偏色問題,但係z110冇熱靴,只可以用感應閃燈.

圖片參考：http://www.dcfever.com/photosharing/photos/20041001/l430001097501981.jpg

右上角張相冇用閃燈,主體黑咗但顏色正常.
左上角張相用咗閃燈,因色溫問題,背景黃晒,主體冇現場光照到所以顏色正常,如果有現場光照到就會黃埋
左下角是用大閃燈加燈光filter影,一切正常.留意內閃加燈光filter是不實際的,內閃火力太細,加咗會冇晒光.
右下角係大燈加上燈光filter的樣子.

2007-09-15 07:58:55 補充：
之前同其他人討論這個問題,有好多人都話影raw翻去慢慢較白平衡就得.但係最終當然係唔得,冇錯個人係可以較翻正常,但係背景就會好似左上角張圖咁黃晒,咁到背景啱喇,個人又會變咗藍面外星人.