✔ 最佳答案
首先想問下你....你爸爸有無用狗帶拖住你隻狗呢?
問題係....法例規定任何狗隻超過二十公斤就必須要用2米以下狗帶牽引，你隻係細狗,理應係可以唔需要用狗帶,但法例亦無規定大型狗隻要帶口罩，除非那隻狗係法官已栽定係危險狗隻，又或者係香港四大危險狗隻，否則,雪撬狗主係不屬違法，你報警都無用,因為隻狗係『在狗主控制犯圍下』，即係有用狗帶牽引，狗主無犯法，就算你唔肯和解，警察落案都只係落『個人財產』，即係話狗隻係屬於個人財產，狗咬傷或咬死狗，多數都告唔入，除非咬o既係人，警察就會有唔同做法，漁農處做法就係我第一個問你o既問題,佢地首先會問：『你隻狗有無用狗帶牽引?如果你隻狗有,對方隻狗又有,咁大家隻狗都係在主人控制之下，點會咬死狗?』,所以你其實係好難告到隻狗或狗主，除非隻狗咬到o既係人而唔係狗.........
我都好明白你心情，亦好同情你,我咁講並唔係幫對方狗主,而係想把真相處理話俾你知，因為我都有類似經驗,不過我養o既係大都柏文,我有用狗帶拖,但住我隔離街有隻金毛就成日唔拖狗帶,一見到我隻狗就衝過黎,我隻狗驚,會發脾氣咬佢,但好彩我有用狗帶,控制得到,不過對方主人話極唔聽,叫佢拖返自己隻狗佢死都唔肯,我唯有打去漁農處備案，佢地會搵人黎睇係咪真係有狗唔拖狗帶，然後會口頭警告，我又問過做警察o既朋友,因為我怕如果隻金毛衝過黎我隻狗真係會咬傷佢,咁到時我又需唔需要賠償呢?最後有幾個做警察o既朋友都答我以上同你講o既答案,所以我都無晒辦法。
我其實都好討厭有d狗主點解可以咁放縱d狗,自己管唔掂d狗,又唔理下其他人感受,我好認同你講果句『你錫狗我都錫狗』，但無奈呢個世界『玩狗』o既人遠比真係錫狗o既人多.....
