about化妝品

eye base係搽係眼度...
搽左之後可令眼影更貼,防止眼影化開打摺..

碎粉係搽完濕粉(液狀粉底)後,輕輕撲上一層
作用係定妝..令個妝keep得耐D,冇咁容易化開

眉gel通常係透明的,不過都有有顏色既,例如啡色.
作用係令條眉整齊D冇咁雜亂.
另外有色眉gel可以令眉色睇上去淡些,
作用就好似你染髮咁,整淺色D(只不過係暫時的)

睫毛液base通常係白色,
作用係令睫毛捲翹既時間耐D,同埋令之後搽既睫毛液更上色.
又係好似染頭髮咁,
如果你想染紅色,想個色sharp D就會先漂淺D個頭,
然後先染,咁之後上既色自然就更加突出啦..

濕粉棉同碎粉撲係好唔同架..
濕粉棉係海棉,專係用來搽濕粉,
碎粉撲通常都會跟碎粉一齊..所以買碎粉已經有碎粉撲
佢地既樣我好難形容比你知..
你可以去sasa/卓悅度睇睇..

由於普通遮瑕膏質地比較厚,
搽係眼度會太厚..而且比較容易現乾紋..
一定要搽左base先搽遮瑕膏.
bobbi brown有隻專遮黑眼圈的concealer..大約$200幾蚊
幾好用,真係遮到,又唔會太厚.

如果你眼部既瑕疵唔係太多,
其實可以用少許eye gel搽係眼部周圍..
然後用少少濕粉點係眼周圍..
輕輕印開佢,都可以均勻膚色架.

乾濕兩用粉底通常都係補妝用..比較方便
不過我自己通常化妝就會用make up base,
然後用濕粉,之後用碎粉定妝,咁個妝唔會太厚
同埋可以慢慢營造陰影,令個妝有立體感D.
乾濕兩用粉底通常比較厚,
唔會就咁單用架
如果想就咁單用..
可以用左make up base之後搽兩用粉底(乾濕用都OK)
之後搽遮瑕膏,最後撲碎粉
乾用係就咁用粉撲印上粉餅度..沾少少,
逐D逐D印上面部..
濕用係整濕個粉撲..整到佢大約八成乾..
然後先沾粉底塗上面..
如果用左濕粉再加兩用粉底個樣會好假咁..
大多數女仔都唔會咁做^^
所以我建議你買濕粉同埋碎粉..
可能會比你預算貴少少,
不過化妝化得靚都冇話計較價錢啦~

希望我既答案幫到你啦^^"