作文一問！！作文有冇一些技考！！

其實作文既技巧好簡單, 以下係我既小小意見 : -

1) 先要知寫邊類型文章
比如老師要你寫議論文, 但你作左抒情文, 咁樣就算抒情文作得幾好, 都會無哂分

2) 文要對題
文章類型正確, 就要知呢次題目要你表達咩中心思想, 先要簡單 / 直接將你想講既核心先寫低, 再環繞呢個核心寫

3) 聯想加創意
係環繞核心寫時, 試下不斷聯想一的事物, 如要你寫秋色(抒情文), 你可以用秋色而想起舊時童年, 亦可以用秋色聯想悲傷而淒美既漸落人生路, 亦可以用秋色而聯想紅葉再想起遠方既加拿大好友........ (人既想像係無限既, 想到咩, 都可以不斷引申, 呢的係作文既樂趣 ^^)

4) 表達中心思想
無論係咩文章, 文中都有作者想表達既野, 呢樣野其他人讚唔讚成都好, 都係作者想表達既, 你必須要將呢樣野, 好具體咁講出黎, 如上題中想起友人 (就係表達出對友人既關愛), 想起童年事 (可以表達出自己現在的不得志, 亦可以係表達童年的單純 etc)

5) 結尾部份
在不同類型既文章, 都有不同既結尾方式, 如抒情文, 你可以借秋葉既落下, 比喻將對友人既思念化為紅葉信件, 希望友人感受到, 又或是議論文, 結尾就要加強你既意見, 再一次肯定你既想法.

***** 另外, 平時多看書, 多睇新聞, 多問 "為什麼", 你會發現, 世界其實好細 (因為好多野, 都係有共通性), 同時地, 亦都好大 (因為你會發現, 你而家所識既, 原來係非常渺小), 咁你會發覺, 作文非常容易, 反而難在知識既吸收 ^^

* 希望幫到你 ^^

你可以用以下方法：
1.想 結構：
2.聽 開始
3.看 經過
4.說 結果/感想
即是你沒靈感，你既生活經驗可以幫到你。
圖片參考：http://hk.yimg.com/i/icon/16/3.gif