14歲可以派傳單??

一.我想問係咪14歲就可以做野ga la??有冇暑期工ga??
我14歲果陣都試過做暑期工，係派傳單的，所以我諗14歲做得野，不過聽人講可能唔受勞工法例保障。不過好多僱主都會話14歲，仲未成年人，未必請。

二.有ge話會係咩行業多??
由於得14歲，肯請你的唔多，所以通常都淨係可以做呢d：
1.派傳單(尤其是係xx書院暑假招生)
2.書店，例如叫人買書果d，又或者好彩的話老闆會俾你做店員，男仔通常要搬書，d書好重吓，要小心
(因為暑假要多d人，我試過有個朋友，書店門口無貼住話請人，但佢入去自薦，結果得咗，你出年可以試吓)
3.快餐店(麥記、肯x基等，麥記好似話約$18一個小時，會包膳食，不過坦白講，日日食麥記，又易肥又煎炸，食得多之後有排都唔想去麥記度食，不過15歲肯請的僱主不多，你當攞經驗啦!)
4.親戚或家人推薦的店舖，有親人介紹，應 該冇問題
5.唔記得惠康、百佳同7-11請唔請15歲，果d可能要16歲先得，不過到時可以留意吓

三.洗唔洗注意d咩??
做暑期工要注意的當然就是要提防暑期工陷阱，唔好去d危險的地盤，同埋不明來歷的模特兒公司等，要你俾錢的千祈唔好做，一定有問題，詳情可參看勞工處網頁http://www.jobs.gov.hk/big5/summertemp/index.asp

四.洗唔洗簽d咩合約/文件之類ga??
一般來說暑期工都只會要你填申請表格，或者要影印你的身份證副本，未到簽合約的地步。呢類文件，如果正式的話，最後會有行話簽名的人同意遵守公司一切條款之類，又或者話以上資料只作招聘用途等，但呢d唔係合約，只係一些法律條文，冇合約咁正式。當然，你填的時候要小心d，如果佢有條文，你要小心d，睇清楚，以保障自己。

五.會唔會有d人專呃$??
如果你做我頭先列點果d工，一般黎講都係屋企附近貼街招，間舖係度咁耐，應該都唔會點呃你，最多乜白做(我做過咁多工都未試過，放心!)
但如果你上網搵，就去d有信譽的，例如勞工處。
如果你驚俾人呃，參考頭先果個網d資料同埋注意事項，應該唔會有咩損失，再唔係你可以打去勞工處，問吓有冇呢個公司，同埋問一d你懷疑佢呃你o既野，咁就萬無一失啦!

希望你出年搵倒暑期工啦!而家個巿好咗，應該會多d的，俾心機啦!

是可以的！
至於請人，就要自己搵！

我教會有導師，曾招幕組員派傳單，很多只得13、14歲

可以派,but I do not know where can you find.sorry...

不可,because你末成年