幫狗沖涼要注意甚麼？

同狗狗沖涼前要注意的事項有好多...

STEP 1：首先要用針梳同狗狗由頭到尾梳一次毛先（要梳到順晒為止）, 如果當你同狗狗梳梳吓果陣發現有死結的話, 一定要解好先...（呢個步驟係想令你同狗狗响屋企沖完涼之後, 吹毛果時唔想有毛毛飛到周圍都係...如果你梳走晒啲死毛的話, 咁你同你的家人就唔會俾啲毛整到鼻敏感啦!!!）
STEP 2：梳完毛之後, 你就要幫狗狗洗耳仔...如果你沖完涼先幫佢洗的話, 啲洗耳仔水就係流番晒落個身度（攪到明明乾晒的毛又再濕過）, 而且可能仲會有耳屎流出, 到時都唔知同唔同狗仔沖多一次身好lu...
STEP 3：你要拎走放响浴缸而又有可能整親狗狗的東西...然後就放狗狗落去, 首先...你要試清楚水溫先好沖落狗仔個身上呀（因為狗仔的皮膚好薄, 太熱的水溫會好容易燙傷狗狗; 太凍的水溫又會令狗狗好易冷親）,所以一定要調至適中才可！
花灑要貼住狗狗的身上,（因為狗仔一時間未能適應到水聲, 太遠距離的水打到狗狗的身上, 佢的自然反應會好驚架）而且要由尾到頭慢慢咁淋上去, 唔好一下子咁急, 俾少少時間狗狗適應吧！
淋濕晒狗狗全身之後就可以用寵物用的Sampoo幫狗狗打梘啦（幫狗狗擦乾淨你認為污漕的位置）, 然後就過第一次水...第一次過水唔須要過得太乾淨（因為你仲要打第二次梘）假設你打完第二次梘之後, 你就過水（今次你就一定要過得切底乾淨）如果過得唔乾淨, 狗狗狗好易感情到皮膚病及甩毛架...過完水之後你就要即刻同佢用毛巾抺乾個身呀...
***記住沖涼最好不要超過廿分鐘呀, 因為會好易冷親狗狗...所以你的手腳一定要快！
STEP 4：你就要準備定一支寵物用的眼藥水, 係用嚟俾狗狗沖完涼先用的...（因為有可能同狗狗沖涼果陣, Sampoo的泡泡會整到落狗狗的眼裡）所以我哋就要利用眼藥水來舒緩番狗狗的不適...
STEP 5：要用風筒幫狗狗吹至九成乾（一定要用暖風）, 而且吹毛果陣, 記得第一時間要幫狗狗吹肚底位置先, 因為如果唔吹的話, 狗狗一定會肚痾...然之後先好吹其他位置！

雖然呢五個步驟好煩, 但請你一定要緊記...這樣才可保證你的狗狗健康！
~以上資料係我學寵物美容果時學番嚟的, 希望可以幫到你啦！

我本身係一個parttime寵物美容師
咁如果你有寵物美容既問題可以msn:我架..
[email protected]

幫狗沖涼前要先梳毛，梳走多餘死毛及毛結，拔耳毛(如果你識既話).
跟住滴洗眼水及洗耳 (可防止沖涼時沐浴液入眼及耳朵)
水溫要溫和，要記得用犬隻專用的沐浴液，不要用人類的沐浴液，因為酸鹼度不同，犬隻容易會有皮膚病.
犬隻可用頸圈，再用狗帶綁在回定位置，狗隻不會亂走動.
用溫水淋濕犬隻全身，再塗上沐浴液 (由頭到尾)，頭最好用手去摔，唔好直接倒落去. 揸勻後，可用溫水洗淨全身的沐浴液，再重復做多一次，切記要把身上的沐浴液洗淨. (為何要洗兩次? 因為在第一次洗的時候，只要清洗了表面上的污衊，但底毛下的污衊未能清洗好，做了兩次的話，就能徹底清洗乾淨!
沖完涼後，用毛巾抹乾多餘水份，用風筒吹乾，記得要百分百吹乾！如果沒完全吹乾(加上潮濕天氣)，很容易會有濕疹，所以要注意!
係選購沐浴露時要留意，犬隻沒有皮膚病就用普通的沖涼液就可，如果有蚤就要買杜蚤沖涼液(係用既時候，最好揸勻全身醃佢3-5分鐘左右，跟住先沖水)。如有皮膚病就要請教店員或獸醫。