台北3日2夜之旅

3日2夜 的行程建議 ~

第一天

10.30 - 11.00 ：抵台、簽證、換錢、拎行李
11.00 - 12.30 ：坐巴士出市區、架車會兜你經過「維格」order 手信 (走個日會送去hotel)
12:30 - 1:00 ：抵酒店但未夠鐘 check-in (2點) ，可以在西門町搵食 (天成響西門町範圍)
1:00 - 2:00：西門町食 lunch (介紹：長虹隔離有間NT$399任食(火鍋+韓燒)，超讚！或者地鐵站前的「蛋蛋屋」，好大份，抵食！)

2:00 - 2.45 ；CHECK-IN，SETTLE ，小息後準備出發
2.45 - 10:00：
(1) 坐捷運去劍潭 -- 美麗華百樂園！(坐超大摩天輪看到台北101的！)
(2) 坐捷運到淡水 - 去漁人碼頭、於日落時間到情人橋 (超美)
(3) 返回淡水捷運站附近的「淡水老街」展開「夜市之行」！注意，淡水有兩個夜市，一個在河邊，一個在油站那邊。
(4) 記住10點左右要回程，因為要坐約1小時才回到酒店

11:00 ：回到西門町，可以睇睇一些未收檔的車仔小食睇下買下
12:00： 休息 / 未想瞓可以去24小的誠品打書釘

第二天
8:00 - 起床，早餐 (早一點都可以呀！)
9.:00 - 坐車到台北車站再轉火車去「瑞芳」去九份
10.30 - 抵瑞芳轉巴士去九份
11.00 - 到九份(食買玩)
2:00 - 可坐巴士到台北 (1.5小時車程- 平！可坐！)
3.30 - 台北 101 ....及附近的「頂泰豐」
5.30 - 捷運去士林
6.00 - 12.00 士林夜市 (食買玩，可選擇泡一個小時的溫泉呢！(這個要過北投))
12:00：最後回程捷運召集出返市中心！

第三天：

9:00：起床、早餐
10:00 - 12:00 - 行西門町，及附近的食店，衫店
12:00 -5:00 ：你其他想去的市區行點
6:00 ：準備坐車去機場 (因為會塞車) (*建議買定多 D 野食去機場HEA)
7.30：到機場
8.00：入閘登機
9.00：上飛機回程

就係咁啦！
希望你玩得開開心心！
去台灣，一定要食！仲要同朋友SHARE 食先開心同埋食得多！

我諗，我唔只 5分！哈哈哈！

我舊年都好似搭差不多時間飛機去台北, 分享如下,
第一天 -
由於太早到達酒店, 應該未可以取到房間,
我上次就先預備簡單行李, 到達酒店時取出簡單行李後,
把其他行李寄存於酒店, 然後立即往烏來 (春秋烏來)
浸溫泉, 吃午飯, 食物質素與環境不錯, 然後到附近走走才
回酒店check-in, 安頓後小休一會, 再去行夜市 (士林, 西門町.....)
第二天 -
可以去九份, 然後下午到淡水紅毛城看看, 黃昏到海邊渴咖啡看日落,
到附近閒逛, 然後海邊晚飯或到淡水市內夜市, 我約於五年前到過
淡水夜市, 很喜歡他們的純樸, 親切友善, 我覺得整體比士林好,
但上次去因太大雨關係, 只在淡水海邊一間餐廳吃晚飯, 這餐廳食物和
環境不錯, 感覺很悠閒, 回酒店前還可再到西門町附近逛逛.
第三天 -
執行李check-out, 可寄存行李於酒店, 不用帶著行李四圍走, 再去
台北101, 信義區一帶行街shopping, 吃飯....(好好行, 我個人好鍾意
行嗰區) 直至6:00左右才回酒店pack好戰利品於行李內, 再乘巴士
往機場返港
因為旅遊書同推介餐廳之咭片在家中, 明天再補充資料給你.
希望幫到你啦!

2007-09-14 17:11:18 補充：
(1) 淡水推介餐廳 - 淡水小鎮地址: 淡水鎮中正路241之1號 (紅毛城斜對面) Tel: (02) 2623 5876(2) 如果下午茶或吃飯, 忠孝敦化區是不錯的選擇, 這區有些食店像村屋一樣, 有圍牆, 小花園, 氣氛很悠閒, (特別集中在光復南路280巷) (3) 特別推介藥膳菜式, 何首烏皇帝雞-地址: 台北市忠孝東路四段146巷1號 (捷運忠孝敦化站5號出口) Tel: (02) 2740-0979(4) 手信方面, 西門町附近有間叫菓風小舖 - 糖果店, 有種包裝模仿衛生巾的白色綿花糖送給我的女性朋友, 很搞笑, 預祝你旅途愉快!