2628 及 3993

兩隻都係我愛股之一，不過冇買~

其實我都覺得唔應該設止蝕位，不過如果你問真係要比個止蝕位，2628可以放係$32，而3993可放係$14。

3993唔升係因為佢經過8月之前果輪急跌後，要重新整固，而佢又剛上市不久，唔會有咩業績上既驚喜，而且上市個時估值已經偏貴，最近又炒AH股概念，佢又冇份，不過我相信佢好快會升，技術上佢好快會出現第一個黃金交叉，利好，而且股價又大落後於其他金屬股~比少少耐性~

2628就更加唔駛講，佢獨有性格，跑下停下~如果你一直有睇會佢就知，佢四五月既時候係24-25蚊之間游黎游去，好似點左穴咁，當時幾多人打電話上電台問自己係咪坐艇，跟住一個QDII消息就即刻好似變左支火箭咁，第二次，爆次按之前，佢又31.5-33走來走去，跟住岩岩買D人又問佢係咪見頂?時間證明一切，波動細，性格黎嫁~咁你明喇。炒股票係要比D耐性嫁喇~

重有就係點解比止蝕位係因為如果跌得到去果D位，證明基本因素都改變埋喇~

純屬個人意見，只供參考。
本人持有平保(2318)、中移動(941)、國航(753)之股份。

2007-09-15 15:29:56 補充：
其實你又唔係買窩輪，你唔駛咁驚~不過你就好似冇嘜方向感~其實人人炒股票既目的同目標都唔同，有的炒股講比如拎十萬出黎講明賺一萬佢就走~有d人講明買左唔問唔睇，一年之後賺左就走，唔賺唔走~有d人買黎等退休，不過佢而家先四十幾，當儲錢~所以你係邊種你要知?不過一般既股評家就會用先做功課，然後定目標價，股升目標就一路升，等到基本因為改變就放，或由股價最高點跌落黎15%止賺或止蝕~所以你咁炒股一日驚到黑，賺左都補唔返個身體喇~

2007-09-15 15:30:24 補充：
我諗你咁緊張緊係將全幅身家拎曬去買頂喇又或者將你預算投資既資金一次買曬~其實你咁樣唔岩~你應該將佢分成好，最少都要分兩分(一隻股票)~做好功課先買一份，你睇好佢ma........但股市有波動~比如你睇岩2628，先定目標$42，今日做$38，咁先買一份，好大市有調整跌落$35開始回升，因為你有一半拎住係手，你個心自然都會定d喇，咁個市又好似調整完開始升喇，咁你咪$36買埋另外個一半~但如果個市升，2628又升到$40，但你既目標就應該向上升到$44~咁你就係$40買埋另外果一半，因為$38個一半己經賺左d，你個心自然定d喇~

2007-09-15 15:30:37 補充：
e種叫平均買入法~賣出都係咁~係最基本家喇~重有我自己睇美國減息之後可能會調整，你要有心理準備(我估家咋，錯左唔好話呀~哈)~不過頂多都係一千點到，隨時冇添~唔駛驚，大陸而家冇野多，靜係錢多~

2 隻都不應設止蝕位
增長股, 遲早升返

榮少