入院催生...急

吾駛驚，佢可以會比葯你食或同你打針，等你作動。到左你個子宮頸開到o甘上下就入產房，如果個bb 太耐都係吾出來，可能會開刀攞個bb出來。我上次都係o甘。

祝你生個肥肥白白健康o既bb。
產後記得好好保養呀，吾好剩係記得照顧個bb而吾理自己。

我的經驗係係公立醫院-QE的, 時期係2002年啦, 都5年了! 私家的情況就唔知啦!
一早入院8:00AM,攞住綠表(最後一次產檢醫生寫定的入院表)去大堂登記,再取牌薄上指定的WARD, 之後比牌薄/產檢卡比護士, 護士會叫你去檢尿,量血壓,磅重(同產檢一樣的程序), 之後會叫你去換醫院衫, 再帶你去床位到, 整理下你自己D嘢, 之後會有醫護人員同你抽血, 插針口在手背(護士叫種豆, 即用來插吊針的入口), 同另有位來同你CHECK下子宮頸READY未, 如子宮頸未得佢地會塞藥幫下手!
我因以上一切都OK, 所以就即時入院去產房(因此,護士可能一開始就比無背衫你著,即有前未後的); 去到就上床, 之後有人會入來同你連吊針藥入你粒豆到, 同時會同你穿羊膜, 我估佢地係剪穿佢, 但我那位醫護人員攪咗好耐先穿到,所以都有D痛!!
之後, 就你等藥力發作, 你床的就近應有*笑氣*比你吸, 護士都會同你講點用...不過最初的2個鐘都應該唔會用, 而當你去到某個時間,即子宮頸開到某個SIZE前,你頂唔住護士會問你打唔打止痛針, 若過咗先話打, 就唔同你打,因此後藥會對BB唔好的...你唯有頂住啦.....不過, 提提你笑氣對我來說只是心理安慰無實質作用....
我由10AＭ點開準備好等藥力發作,到大約11AM-12NOON已開始唔可以再好勁甘同我老公傾計(當時未有SARS).....到大約下午的4點多,BB就出世啦, 痛都係痛6個鐘左右.....
當然亦有人因唔受藥而催唔到, 最後要開刀....因為羊水穿咗, 對BB會有影響,所以有時限係穿了之後就BB要出來.....唔係就要開刀....
你唔好甘擔心, 輕鬆D....同生得時,記住個PAT PAT要坐實係床到NG出BB來, 我個朋友,因成日將個PAT PAT零空甘生....比護士話鬼佢.....
GOOD LUCK.

唔使驚, 催生唔辛苦咯 . 我因為串左水先入院咯. 催生左 26 個鍾頭 B B先出世 .
會打小量藥去催生 , 如果都係無咩反應呢 .就會加重劑量 , 我都加到 48 , 總之就唔使咁緊張啦 , 放鬆心情 .

2007-09-13 11:50:24 補充：
其實我落左催生藥18個鍾頭之後 , 醫生都叫我開刀生咯 , 但我唔想有疤痕 , 媽咪話開完刀傷口會好痛咯 .好彩 終於都順產啫 .

我都係咁呀..過狙預產期成個星期, 咪直入醫院催生. 多數係先幫你打針再穿羊水, 不過我2樣做哂都係唔得, 我朝早7點推落產房, 最後係第日零晨至幫我開刀, 因為子宮頸唔開, 都唔覺點痛...
祝健康