在香港,要駕駛ebay bit 到既美國入口車要怎樣做?(請詳細解釋)

如果你係要喺香港揸, 首先你買咗架車之後要揾一間專做左軚改右軚嘅車房, 當然人工就好貴同埋D零件要做好多焊接工程, 安全/耐用/手工好壞程度都會有偏差嘅可能.
跟住你運架車番香港之後就要打稅同驗車. 美國噸農夫車係當卡車, 排氣標準同噪音標準較房車鬆. 所以原裝排氣喉嘅排氣未必過到香港嘅驗車標準 -- 加上呢架車用Viper嘅V10引擎, 本身唔踩油都非常之嘈. 牌費方面, 成8300cc, 都好甘.
保險方面, 香港冇呢架車嘅數據, 你要同保險公司講你想投保幾多, 之後任佢quote.
如果要平嘅, 有個通道可以做 -- 自己開間或者如果有相熟車行關系, 可以用T牌, 咁就唔駛改右軚, 唔駛比稅同牌費, 同埋買三保就得, 可以當係"試車". 不過開車時有好多限制.
講聲比你知, 呢架車同林寶堅尼一樣咁食油. Have fun.

2007-09-13 09:24:02 補充：
仲有, 係bid, 唔係bit.