電單車點打8字??

打八字要訣是利用你的視線控制車輛。當你在平地斜路的中央時候，入一波準備開車，考牌官示意你開車時，俾油車頭向左，向左邊路肩靠近，眼望左邊路頂，當接近路頂時候收油，把車頭推向右邊，眼望向右手邊路底，當車貼近右邊路肩時(你現在的左邊)，車頭指向左(系你現在的右邊)拖腳制慢溜向下，唔好攪個手制，去到你右邊的路肩時，把車頭推向左邊，當貼近左邊路肩，現在變成你的右邊了，你的車頭繼續向左唔好陏，馬上俾大啖油，因為車子已經冇勿動力唔俾油就會跌車嫁，咁架車就會向左行過去，到貼左邊路肩時拉直車頭，去到路頂收油，將車頭推向右，宜家又變成你的左邊了。如此類推做三至n次，直至考牌官示意你先好落地，否則當肥老，知道冇。(要留多點轉灣的空間，個灣要大d，否則會跌車)

雙眼向上望,千其唔好望住地下,唔好比得太少油,因唔夠力你即跌車或者腳會落左地.
都係果句,練多d,學電單車我覺得只有打八字要比多d時間練習,希望你成功pass~~~~~~

打8字比較講求保持平衡同穩定車速，我可以俾D貼士你參考。

1、只用頭或尾break，自動波車建議只用尾break（左牛角），因為咁樣右手專注控制油門，左手專注控制制動，可以好細微咁控制力水，有利穩定車速。

2、話就話8字，其實上斜同落斜兩個8字唔同寫法！上斜時，8字兩個圈要上大下細；相反，落斜時，8字兩個圈要上細下大。（所謂上下，係講假設有一個人企係斜路底望上去。）

我諗你話打得唔好，九成係由中間位去到邊位再圈返出嚟果陣失平衡跌車。問題就在轉向角度越大就越難控制。所以你要做到盡早扭埋邊位到、拉返直部車先上／落、到頂／底再轉向。咁你每次轉向都只要轉大約45度，會易掌握好多。

點解考牌要考打8字？考到牌之後你現實生活裏駕車無需要再打8字架，要考係因為如果你可以好輕鬆咁就打到8字，表示你可以好輕鬆咁控制到部車，可以人車合一，好重要架。

所以練多D啦，祝你成功。