窮人應否談戀愛?

係！現實嘅社會係睇唔起啲窮人
但係現實社會更加睇唔起嗰啲無志氣嘅人
正所謂人窮志短係自己睇唔起自己先至會咁講
點樣先至叫窮人呢？
有嘢唔去做，攤大手板問亞媽攞錢，呢啲算唔算係窮人呢？
如果你有工做，之不過份人工唔夠人地多
咁有乜所謂啫，最緊要你有上進心嘛
如果個女仔嫌你窮，你可以飛咗佢架
如果你仲後生，俾心機做好自己份工
終有一天會出人頭地

我fd依家都係供緊佢男朋友讀書
佢咁辛苦都係想第日有好日子過
我唔知你係男定女
總之窮唔係罪過

如果有人肯為你挨
又無嫌你窮，點會係死路一條啫
最緊要大家情投意合
挨麵包都係樂趣
窮咪窮囉，慘得過大家鍾意呀
唔好諗咁多嘞
錢銀嘅嘢，多有多洗
少有少洗，唔好先洗未來錢咪得囉
沖大頭鬼先至係死路一條
你唔見幾多人為咗討好對方
欠落一大筆卡數
到咗走投無路時
又係死路一條
大家一齊談戀愛係有意務一齊為將來打算
如果為咗錢先至鍾意對方
始終唔會有好結果

我希望你唔好睇得咁灰
談戀愛係人生正常嘅事
俾條生路自己行啦
唔好亂諗嘢啦！OK

唔會死路一條0既，只不過你會辛苦好多，同埋唔可以有咁多情趣姐，因為情趣依家野都要錢架.......依家最緊要想個辦法擺脫窮困的問題先啦(積極地工作咁)，唔通你想你個拖友陪你捱一世窮咩??

好多夫妻都為錢而嘈交架~~ 你將來都唔想咁卦??

2007-09-13 19:47:09 補充：
如果你係男仔，咁你就更加難搵對象啦，因為好多女仔都想嫁個令佢經濟上唔駛點憂心0既男人(有邊個女仔心甘情願去貼大床丫??)，所以你要比心機賺錢，擺脫窮困問題啦，如果你仲要懶，要攞綜緩過日子0既，好難會有女仔鍾意囉，就算你窮都要有上進心d女仔先會鍾意你如果你窮，最好首先積極點搵錢先諗談戀愛0既事啦，如果你愛他/她，你都想他/她生活上過得舒服d唔駛出面捱得咁辛苦啦，係咪??

唔會~只要中意對方就無問題~~

不會............................................

唔會囉~
因為窮人都有談戀愛ge權利~
點解會咁問架~想拍拖就拍拖啦
如果有拖拍個時~就要去拍啦
機會過左就無架啦
要好好珍惜呀
KA...kA

窮亦有窮拍拖的樂趣, 愛你的收唔到?卡鑽石介指並不代表不愛你, 就算只係一張大家睇完戲嘅戲飛尾也值得對方留念...

窮人都係人,雖然唔一定有女仔同佢過苦日子,
不過,只要係真心相愛,咩人都可以談戀愛!

好難!!!!!!!!!!!!!!!