交通警發現超載.抄牌之外.乘客要唔要罰錢?

細van係咪入台果D街車呀！如果係，果D van只可以連司機坐6個成人，你咁已經係超載，超載只會抄司機牌罰款$450，乘客係唔需要負法律責任，如果司機話唔怕，萬一真係抄牌，客人係唔洗支付罰款，除非上車前，司機講明抄牌入客人數。如果比警察截到，警察一般只會抄牌，亦可以要求多左既人數馬上落車甚至全車返差館。而且，當真係有起交通意外，保險公司係一定唔會賠，無謂因小失大，博唔過。

補充，上面果位所講既7人電召的士，只係將七人車改裝，只會同其它的士一樣，維持5座位，而且亦只有新界的士。

2007-09-14 05:56:37 補充：
應該講，一般果D van連司機只可以坐6個成人，但有部份街車有改裝過，車頭無左中間個位，應以車輛登記時所報，行車證上既載客人數作準。

超載只會司機需要負責。乘客係無法律責任。超載乘客係罰款$450。跟據你的資料，細van我估係成記雞記種。呢D van只可以連司機載6人。如果連司機8人，警方截到，就會立刻拉人。
但警方係有權要求停止超載行為。扣留車輛，直至再沒有超載情况出現為止。
如果你坐的van係超載情况有交通意外。保險公司未必會賠償俾你。
現時已有7人電召的士，點解唔用合法途徑，而為左100幾十去冒險呢？