有關爽滑魚皮Ｄ魚皮

可以向相熟的鯇魚檔預訂鯇魚皮 .
若沒有 ? 就只好買一整條鯇魚 , 話俾佢知要做薑蔥魚皮 , 請佢幫你打乾淨魚鱗剥出鯇魚皮 , 回家用粗鹽擦洗一次魚皮 , 粗鹽可把魚腥洗淨也可洗刷魚皮內或許會有沾染的寄生蟲 .

再用少許油輕爆薑蔥起鑊放水 ,水沸後收細火 , 水沸如蝦眼點 , 放少許鹽 , 把魚皮放下輕輕拖水至稍微卷曲撈起 , 爽滑魚皮已成 . 若喜歡像酒家飯館的菜色模樣的話 , 就灑放些新鮮薑絲蔥絲紅椒絲和熟油麻油一起撈勻

剩下的魚頭魚身魚肉可以分別做幾個菜 ;
蒜茸豆豉蒸魚雲 ( 若加上少許紅椒 , 醒胃 )
甜梅菜豆腐蒸魚腩 ( 豆腐放置在魚腩底下 , 所有蒸出梅菜和魚的精華吸收在豆腐內 , 好味 )
木瓜豬展煲魚尾湯 ( 這湯水老少咸宜 , 記得落一片薑一片陳皮辟魚腥 , 湯水鮮甜 )

喜愛和習慣了入廚後 , 你會發現煮食變化菜式的樂趣 , 這是一餐既營養豐富又快捷方便且省錢的海鮮餐 !

去街市買鯇魚皮就得, 不要買鯇魚再起塊皮呀!!
去果D賣牛柏葉, 水魷魚, 豆腐同芽菜既舖頭買.
天氣凍的時候就多D地方有得買, 熱天就少D!