粉嶺碧湖花園-石油氣公司

用邊間石油氣公司其實係可以由你自己去選擇的 石油公司有分美孚,華潤..等等等等 睇下你想用邊間啦~

新入伙呢 你可以去註冊左既氣體承辦商既石油氣公司去訂 通常你只要俾你個姓,地址,電話就得架喇~不過都有分中央石油氣同樽裝架bor~

中央既石油氣就係唔使你自己叫氣既 間石油氣公司會定時定候去幫你換氣 而交費方面就係每個月抄錶既 就好似交電費咁 佢會俾張單你 你可以用現金 都可以用支票親自去交又得 寄支票又得 銀行過數都得~而伸請方面呢 就比樽裝石油氣多少少步驟~要親自去石油公司簽一份合約 仲要睇埋你本來住果到有冇已經裝左某一間公司既石油氣錶 如果有既 就去番裝錶果間石油公司同佢講 開番個錶 然後簽合約 俾幾百蚊既按金就得架喇~如果冇既 除左要俾按金之外 可能仲要俾埋個裝錶同裝室外喉費哦 lee個就根據每間公司既做法而有唔同既價錢喇~合約要寫全名 電話 地址 身份証號碼 就係咁喇~

而樽裝既 就係要差唔多用晒 你自己就打電話去石油氣公司叫氣既 通常當日就會送到架喇

而你講既將爐陷入廚櫃 你要確定你已經揀定左爐至好開個洞哦 因為佢地既開洞尺寸會有不同的 所以要注意哦!而石油氣公司方面呢 係要另加安裝費架 我所知呢 就450左右啦 lee個價錢只係基本安裝費乍 咩叫基本安裝呢 就係唔使改位 只係幫你放個爐入個洞 之後整好個位 再幫你接好條網喉去石油氣到 就係咁喇~如果唔係既 另外一d工程應該係要另外收費的~

希望夠詳細可以幫到你啦^^

2007-09-14 11:14:47 補充：
另外提番哦 中央石油氣呢 罐氣係室外的 由鐵管接入室內的

2007-09-14 11:24:16 補充：
我幫你了解過喇 你住既碧湖花園呢 係用中央石油氣的 而且已經有一間石油氣公司包起左你地果到做供氣商的 係你地屋宛入面 應該有間石油公司的 係加德士的 你去果到 叫佢去開番錶俾你就ok架喇^^