南丫島有冇好既渡假屋介紹!

你嘅問題有網友問過類似的,我再答一次。
星期五去南丫島玩,如果唔係大時大節,到咗南丫島先租屋唔遲!但係千祈千祈千祈要記住,要去榕樹灣,因為榕樹灣有好幾家高水準嘅渡假屋,而且商店比較多,你晌榕樹灣落船後,由碼頭行過去只需要十幾分鐘,你自然會見到好幾個渡假屋招牌,有幾間渡假屋都有露台,全海景,房間有大有細,大約300至450左右,冇海景會平啲,不過星期六又會貴番少少。
不過BBQ加幾多錢我唔清楚,到時再問喇!事實上,晌渡假屋附近有間賣凍肉嘅餔頭,問下老闆,佢一定會有好介紹。
第朝瞓醒,可以行下小商店,再向島上南北貫通,連接兩大村落的遠足徑出發。慢慢行,最多兩小時就行完,到達索罟灣。不過索罟灣商店少,都係食海鮮嘅地方.... 唔想行的話,可以去洪聖爺泳灘游水,享受藍天碧海,啲沙都好正,好乾淨。
希望你玩得開心!
註: 其實索罟灣都有渡假屋租,不過係當地人改建的,而且冇咁專業,地點離海邊比較遠,至於索罟灣專業嘅渡假屋,由海邊行過去,要十幾分鐘!因為晌山坡上面。