養一隻倉鼠女還是兩隻比較好呢?

A.當然養一隻好好多,倉鼠係獨居動物,並唔喜歡多過一隻生活,野生既鼠都係交配時先走埋一齊,所以多過一隻就好易會打交

我自己就覺得一隻既話,男女都冇咩所謂,男仔我覺得會乖d我一直大部份鼠都係男仔唻既)又少左子宮出現問題,不過一隻生活,冇交配同生bb,子宮患病既機會都會少好多
而分泌既氣味唻講,我覺得反而係男鼠勁好多,老左仲勁,我本身有嚴重既鼻敏感,冇咩嗅覺,但都會覺得幾臭下
多數女鼠愈唻愈惡,男鼠則相反,但只要唔係生過BB,唔係有病,唔係一籠多鼠,尊重鼠鼠,同鼠鼠熟既話,其實鼠鼠都唔會好惡

建議一籠一鼠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
3) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
4)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

B.養鼠可平可貴,睇你想點養既,好難真係計到幾多錢
鼠糧一個月都食唔到一包,但計一包啦,木糠我就用半包最大既左右($30一條,我用既籠好大既),加埋都只係50-60左右,當然唔包間中要買沖涼粉,磨牙石之類.仲有如果睇醫生就另計,所以好難計到一個月真係用幾多$

買鼠時要買既物品:(大約價錢)
1)鼠籠(數十~數百都有)
要揀一d地板係冇一間間既,因為一間間既地板好易會卡住鼠鼠,我細個時就係因為咁而有隻鼠因為咁而死.鼠鼠好多都會咬籠,如果怕佢地成日咬,可以買一d較密封既籠.
2)水樽
多數籠都包埋,每次換水時必須用手試下係咪出到水.
3)沖涼粉($30~65)
有分普通同藥性,買藥性都ok,但記得唔好成日沖涼,一星期1-2次,唔可以用水沖涼.
4)磨牙石($10)
唔磨牙會死既,所以一定要有,普通既同鹽磚都ok,如果鼠鼠唔咬,就最好買d木制玩具俾鼠鼠咬,唔係隻隻鼠都會咬特定既野,因為佢地唔知樣物件係點用既.
5)轉輪(較大$30~55)
都係多數籠會包埋,但都要留意唔好係一間間會卡鼠腳既,唔係都會好危險.鼠鼠好需要活動,而大多喜歡轉輪,所以都係必需品.
倉鼠係夜晚活動,日頭訓覺,怕嘈既話可以用一d安靜既轉輪,又可以搽d牛油落去個軸度,當然咁整要成日洗下個轉啦. 咬籠嘈既你就訓練下佢,佢咬既時候鬧下佢(最緊要係個態度,佢唔明你講咩架),或者唔理佢,佢唔咬就俾少少野食佢食(主糧度俾一粒佢已經足夠)
6)鼠糧($20~30)
買一包咩都有d既混合主糧就可以,唔需要買零食,我個人經驗係愈少雜食,鼠鼠身體愈健康,可以去到年老都冇病.唔好俾鼠鼠食蔬果,因為易肚瀉,又可能有農藥等問題
7)食物盆($10~60)
最好就用一d咬唔爛既食物盆啦,買一d大既不秀鋼食物盆之類就幾好用,大到可以放得落成隻鼠,食物唔易飛出,而且鼠鼠好鍾意成隻坐晒入去咁食野既,雖然會貴d,但好耐用又安全,我既鼠用開既,都用左好多年了
8)木糠($5~30)
可以既話買d較貴既木糠,因為冇咁碎,碎既木糠易令鼠鼠有呼吸道問題,而有味既木糠就唔好買啦,加埋鼠既排泄物味,係會好臭既,都易令鼠鼠敏感.
9)屋仔(跟籠or自買,約$30~50)
有屋仔會令鼠鼠住得安心d,較有安全感,唔好買草屋之類易爛既屋仔,唔係會整親鼠鼠
10)額外物品(視情況而定,可以唔買)
除左轉輪,鼠鼠玩既玩具最好係鼠鼠專用既木制玩具,因為自己整既木易有刺,可以俾鼠鼠爬唻爬去,鑽唻鑽去既就多數都會玩
唔好買波波球之類(有d係成架車,車上有個球,類似既玩具),都算係危險既玩具,因為通風做得比較差,而且鼠鼠被困入面,好有壓迫力,想像下你被困一個咁既物品入面,行極都出唔到去有咩感覺?所以我就覺得呢款玩具唔係幾適合鼠鼠玩既.外國都有書本話呢個係危險玩具,不過我就唔記得本書名啦

C.所需時間精神其實好個人,有時間既可以付出多D時間同鼠鼠玩,同鼠鼠熟
而日常基本要做既野就唔太多,日日換水,冇糧時加糧,一星期同鼠鼠沖涼1-2次,籠臭既可以換,最耐都要一星期洗一次,要洗幾耐就睇你個籠係點啦
仲要時時檢查鼠鼠既身體同排泄物,睇下有冇異常,呢D都唔洗用好多時間既

如果鼠鼠有病,就當然要付出更多更多時間,要同鼠鼠搽藥,要鼠鼠食藥都可能有排攪

D.活動方面,鼠鼠係日頭訓覺夜晚活動,一般黃昏之後先同鼠鼠玩會好D
轉輪就一定要有,而其他玩具就可睇返個人喜好,買D安全D既
籠就緊係愈大愈好,有多D空間俾鼠鼠活動多D,唔會咁有壓迫感

2007-09-12 21:25:46 補充：
鼠鼠發情期時,我又唔覺會特別地惡,鼠鼠幾日就發情一次,唔會成日咁惡既,係女鼠生完bb就會十分情緒化女鼠發情時,有時你摸佢背,佢會定晒,整扁自己身體,以為有第隻鼠同佢交配,都唔會好惡呀,男鼠發情多數會自行處理,都唔覺有特別既脾氣一隻咁去養,我就真係覺得男女都冇咩所謂脾氣較差既,如果講品種我覺得係小灰霸,最乖係熊仔鼠(但太大隻,唔太多人鍾意),第二就係小紫王了,小露寶都好乖,但行動太快詳細d既資料可參考以下我回答既知識:http://hk.knowledge.yahoo.com/question/?qid=7007080606027

2007-09-14 00:09:39 補充：
如果樓上有仔細睇我回答既內容,以及有睇我過往既回答,應該唔難睇到我既答案都係我自己打出唻,但有d答案係固定,就會成為我回答既標準回答,當然每次我都有對應題目再作更改,亦好多時再去修改我本身既基本答案有d野好似一樣,只因係事實,睇落就似,好似話鼠鼠會打交,冇理由樓上話會打,我特地去話唔打吧,不過其實好多意見都唔一樣的我由玩知識 開始,已經不斷有叫人一籠一鼠了我所有回答都冇抄過人,更唔會睇住人答案去打長d,我都十分討厭呢個行為

2007-09-14 00:11:59 補充：
可以睇返以前既知識就知了,我冇可能5月就開始抄而家既答案吧5月回答:http://hk.knowledge.yahoo.com/question/?qid=70070530001557月回答:http://hk.knowledge.yahoo.com/question/?qid=70070703040667月既答案都適合發問者參考,養鼠前可以先睇一下

這些細小的品種己經膽小，你仲話想買女仔？
女仔十分神經質，可能連抱都唔比你抱，咬番你轉頭，女仔D尿又臭過男仔，不如你買男仔啦，二百蚊有找，買個籠連飲水器同轉輪，買沖涼粉，一包主糧〔注意唔係零食〕，木糠，唔洗好多時間，因為佢哋唔洗散步，長大左嘅倉鼠係唔鐘意群居，會因為霸地盆打交，所以你唔洗怕佢會悶，佢哋係唔會悶，有個輪比佢走走就夠了。有足夠糧食同水，3 日沖一次涼同換木糠，唔好偷懶呀

2007-09-13 11:22:30 補充：
下面條友重覆我講嘅嘢，只不過加多幾隻字，真好笑