護士待遇好差？

✔ 最佳答案

就人工來說, 普通科入職約有20000, 如不計升級, 頂薪有3萬幾, 不過要好多年.
其實人工就不算好多, 不過就穩定同不會遲出糧, 但請記得, 如果入醫管局的醫院只有12個月糧, 不會好似私家的節日有利是, 分紅, 或獎金.
重有, 記得要儲錢交稅, 如乜免稅額都無, 約留1-2個糧交稅, 而且, 依家3年續牌的時候要計持續進修分數, 所以, 又要間唔時比錢上堂攞分.

至於工作, 不要相信電視裡頭的護士情況, 不要以為護士只是跟醫生巡房, 寫下病人紀錄, 派藥打針, 得閒同病人或定人傾計溝通下, 重有要清理病人大小二便, 沐浴, 洗症, 扶抱病人上落等等, 比較粗重又厭惡的工作.

此外, 由於病房中只有護士是24小時當值, 所以, 如果遇上任何投訴, 突發事件, 好多時候, 護士都會係第一受害人. 我自己試過由於已過探病時間, 家人仍堅持要入佈探訪被拒而被人投訴, 亦試過通知家人安排出院而被破口大駡, 有時亦都會被一些行為突然失常的病人襲擊.

其實近年, 護士的工作愈來愈難做. 有些家人或病人好似與護士對立的一樣. 大概中國人的怨氣太重, 好多時候, 他們會認為投訴你就會驚, 有些亦視投訴為爭取某些利益的手段 (例如住耐一些, 照顧我的家人多些), 所以有好多人係唔係都會投訴, 他們用粗口駡你還說你態度惡劣. 或許你可以說公道自在人心, 我有道理便可, 可惜是多半上司都害怕被投訴, 因為又要調查又要被上司的上司召見, 所以, 大部份的上司都想熄事寧人, 不會支持下屬.

我曾經聽過有個前輩講過一句說話: 前世做錯事, 今世做護士! 聽落去, 真的好負面, 那麼, 有幾負面, 就視乎你點唸喇~~ 我自己就覺得, 其實睇化咗, 都唔差, 收入穩定, 亦不像出面那麼大競爭性啦......

如果真的有心, 又不計較也是不錯的, 但希望你的朋友EQ會高一點點啦......

2007-09-13 04:23:27 補充：
有時病人及家屬真心多謝感激的說話又真係幾窩心架~~

回答 (2)