海綿蛋糕既問題

唔一定落乳化劑，市面上既蛋糕店就會用到，因為用了這個蛋糕面唔會沉下，可保持外形美觀，才吸引客人購買.
如果自家整既蛋糕，多數都唔會用. 唔落會係焗完蛋糕後，係倒扣時有可能出現紋痕.
你可以去買甜忌廉(只有專門做蛋糕的地方才買到)或買淡忌廉(要自己加糖)，忌廉要雪凍才能打起，打蛋器要保持乾淨無水，咁樣先可以打得起.
你可先用1-2速打直放在忌廉內打，有些泡後小轉打蛋器打，打得有點企身，可大動作轉動打蛋器，打到覺得企身熄機，試下用打蛋器由底刮上來，忌廉會唔會向下沉，如果有即係話未得，再打多約30秒，熄機再試，如果無下沉及刮時見到有坑，咁即代表成功. 打好後未用時請放入雪櫃.
忌廉唔可以打得太耐，打得耐會老同埋有機會變返做水，時間上都要掌握.
希望會幫到你

加入乳化油，蛋漿就唔容易沉(沉者即係把蛋漿內的空氣搞走)，就算外行人都可以做到專業一樣咁鬆軟的旦糕，如果閣下完全沒有打旦糕的經驗，最好就加入乳化油或者買旦糕粉。