我隻鼠鼠做咩呀??!!

要留意清楚,眼內有冇問題,打傷都有機會令鼠鼠眼發炎

有冇事都要睇返佢有幾傷,始終你睇住佢都覺得好難睇得出係眼邊紅定損,其他人就更難去肯定
如果只係損左,唔係眼既問題,亦冇細菌感染既話,其實都唔難好返既,但當然要分開兩隻鼠,唔係好易俾第隻鼠打傷打死佢
佢而家成日食同訓,可能係被打受驚都唔定,唔一定係好嚴重既(同時都有可能係重病而咁),最緊要分開佢地及仔細睇下鼠鼠既傷係點

暫時既資料唻睇,我覺得有以下既可能:

A.打傷
鼠鼠係獨居動物,野生既鼠都係交配既時候先走埋一齊,所以一籠多過一隻鼠已經好易會打交,唔同品種又更易會有打交既情況,你都見佢地之前已有打交,其實最好馬上分開佢地,唔係打得嚴重D,就有機會打死

處理方法:
1)同其他鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重.
2)冇受傷既鼠,都必須要仔細檢查一下真係有冇受傷
3)佢地兩隻都受驚啦,受驚好易會有其他毛病,同時要keep住檢查佢地既身體同排泄物有冇其他異常
4)保持個籠乾爽清潔,避免細菌感染
5)如果有內服既"外傷素"就可以俾鼠鼠飲住先,但嚴重既都係要盡快睇醫生先係最好既方法
6)如果流血既情況嚴重, 其實都幾難止血,因為鼠鼠本身會爪會咬,如果都係止唔到既,俾佢試下自己處唔處理到.都係唔得既都幾危險,鼠鼠咁細隻,如果不斷流血,好快就會失血過多...盡快帶佢睇醫生啦.
8)睇醫生既話可以考慮一下.
愛護動物協會診所資料: Dr. Corla DeWet
http://www.spca.org.hk/chi/vet/vetclinic.html (需入會)
愛護動物協會流動醫療車資料:
http://www.spca.org.hk/chi/vet/moclinic.html
大圍珍禽異獸及寵物醫院 DR.TIGER/DR.LAM
Tel: 2687 1030 地址:大圍積信街75號地下
http://www.taiwaiexotic.com/

B.整親
要留意個籠會唔會有野整親鼠鼠隻眼,有既話一定要馬上解決問題,以免事情再發生

C.眼紅
如果係眼內既問題,就比較難自行處理,最好都係睇醫生就安全D

1)可能角膜結膜炎,多數係因為環境污糟or整傷左隻眼引致既.因為鼠鼠既眼睛係凸出唻,所以好易會有呢個病.除左保持環境清潔,同埋要檢查下環境有冇d咩物品會整到佢
2)如果有第隻鼠一齊住既話,就要分籠,因為好易係因為打傷而做成既.
3)將水,食物放近佢,如果佢都係唔識去食既話,要餵佢食野,睇下食唔食.
4)鼠鼠眼睛咁樣,應該會對外界更加驚,所以冇必要都俾鼠鼠靜下,保持安靜.
5)眼疾好難自己去醫,所以最好就帶鼠鼠去睇醫生啦,市面上我都見過都有d眼藥水既,但係咪真係適合用就好難講,始終就咁講唔可能100%肯定係咩問題.所以最好係去睇獸醫

另外,希望你會考慮將佢地永遠分籠啦,原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2007-09-12 00:16:19 補充：
個人認為就算問寵物店,都唔好盲目相信,始終寵物店係做生意既地方,就好似店內咩零食佢都會話鼠鼠鍾意同對鼠鼠好,但諗真d就會明白,食咁多類零食係好冇益.而鼠鼠有問題既位置咁近眼,都唔可以用外傷藥,眼藥水又唔應該亂用,其實寵物店都冇咩用品幫到隻鼠,如果冇合適既藥俾你既鼠,又胡亂推介商品既話就好危險了

你個隻銀孤可能
1.隻眼比雲石打架打傷
2.銀孤隻眼有病,最好同鼠鼠睇下醫生,禁會好d
佢隻眼有冇事我就唔知,但你可以同佢睇醫生問下佢
又或者下次去寵物店買野時問下d員工應該點算好
咩品種既鼠鼠都可能會打架,曼好的方法係把他們分開養
這是最好的方法,希望幫到你^^