✔ 最佳答案
易養又唔會生長到好大條的琵琶,首先就唔好揀皇冠類的先,而可以試玩金鑽(綠寶石L200)、珍珠大胡子(L59A)、三角大胡子(L34)、熊貓異形(L46)、國王迷宮、女王迷宮、老鼠斑(L264)、黃金斑馬(L134)...多不勝數,以上呢D異形除左金鑽會大到25CM外,其他都唔會超過20CM。
至於你養的兩條斑馬做乜會死,一係就入缸時未有仔細對好水令佢地唔適應而收口,一係就受驚嚇收口;如果都唔似呢兩個原因,就好可能係餵食過多或者餵D唔適合的糧。
琶仔最好係用青瓜,臨瞓覺前用膠筷子或者不鏽鋼棒插住放入去等佢地啜,第二朝起身時收拾番D殘餌,再加以用專俾琵琶食的沉底片糧,成份多數係藻類同植物性蛋白及纖維,會有利於佢地的腸胃。
2007-09-15 06:50:01 補充:
由於琶琶們糞便量好驚人,所以可以加多一個頂濾主力作物理過濾之用。平時定期吸走D殘便殘餌,每星期換四分一水或每日換十分一水都OK的...
2007-09-15 06:53:39 補充:
果D (LXXX)的編號,係德國佬因為發現琵琶的種類實在係太多啦(到目前為止已經有過千種被發現),所以為左方便先為每一種琶配上編號以作分辦JE,不過雖然係咁,有部份都會出現重複,或者因為同種類幼/成體、雄/母體外表分別非常大,會有同一種琶就幼體同成體唔同編號,或公同乸各有編號的情況。
2007-09-16 00:40:14 補充:
哈哈...THX~~上到大學唔係靠COPY & PASTE就掂GE(講笑)
我只係將自己玩左成年琶的小小經驗分享下JE,得閒多D交流~~