如何可以教Poodle去廁所

你隻狗狗係唔係o係個籠度訓架?? 如果係既, 你就唔應該叫佢去個籠度柯喇~~ 正如你都唔會鐘意o係間房度柯一樣!! 狗狗唔鐘意o係自己訓/食既地方柯... 所以你可以放報紙o係遠離食/訓既地方. 每次一見佢想柯屎/尿前, 一定有d小動作架嘛~~ 你就抱/推佢去報紙度(有d狗一抱就會唔想柯, 你試下佢會唔會), 仲有報紙既地方最好fix左, 如果唔係會好confuse, 一時呢度一時果度.....

你一見到佢成日柯左o係報紙度(包括你幫佢), 你就要即刻俾d佢鐘意既野佢食. 因為狗狗會o係5秒之內忘記岩岩既動作, 所以獎勵要快, 否則就無用. 再讚下佢乖, 慢慢佢就會明白, o係報紙柯=有野食. 但要記住每次都要做, 慢慢就變成淨係讚, 無野食. 就算佢第時習慣左, 最起碼都要讚下佢乖乖呀~~ 如果唔係, 有機會又變返以前咁架喇!! 如果有時你唔o係屋企既時候柯, 當你見到時, 千其唔好打佢呀~~ 因為任何training都唔會用打既方法. 因為打只會令隻狗狗怕左你, 你要隻狗狗尊敬你, 開開心心咁同你一齊. 要俾佢知道邊個係話事人. 你可以用好惡既語氣咁鬧下佢(但不是咆哮), 跟住唔理佢10-20分鐘.

比多d耐性, 同心機就可以架喇~~

我早前都買左隻3個月既芝華華 佢返左黎第二日就識去報紙上尿尿啦
我將佢d尿用報紙索左 放係你想佢去尿尿既地方(最好有個固定既位置)
咁佢聞到自己報紙上既尿味就會係上面痾ga啦

如果佢係附近痾左既 唔好鬧佢 如果唔係 佢驚左就更難教
你就再用報紙索返佢 照做多次

如果佢周圍痾既就要話佢 佢係報紙上面痾既就即刻讚佢
我隻芝華華學識左之後果幾日 成日一見我就痾俾我睇 等我讚佢 好似表演咁 ^0^

你平時係咪會困佢係籠入面ga?
亦有機會係佢唔想入籠 可能怕被困係裡面 唔放佢出黎 所以唔想入去
你可以拎個籠個底盤出黎俾佢當廁所用 我都係咁既
希望幫到你