食糊仔問題?

您可試下整上述的胡仔比佢食啦, 可以的, 不過開頭弄時注意份量, 同埋唔好整到咁傑, 只落一種生果, 看他吃不吃, 之後先再整傑d都得同埋份量可加多d, 固體食物就唔駛咁急住, 因為五個月可能仲未出到牙仔, 未可吃住, 所以暫時唔好比d固體食物佢住, 遲d先拉 日後大把機會, 依家5個月大唔好比佢座痰罐住, 佢腰部或骨骼位置都未成熟, 最起碼都等佢識爬, (差不多一歲先啦)看他的進度如何先說, 緊記每件事不可咁急進, 未學行先學走, 每個階段都需要不同的步驟, 凡事急係唔可以的, 除非您的bb學野係非常快, 較為特別啦, 如果唔係就比d空間去等bb慢慢發揮吧, 希望幫到您啦

係bb成長期間, 好多時都係順期自然的, 多d聽下其他媽媽的意見吧, 對您有一定幫助的,

2007-09-11 15:19:17 補充：
需然我依家唔係咁建議您比d固體食物比佢 但如果您真的比, 您可以試下比d(手指餅比佢試下啦, 佢呢個階段就算唔識食, 都會放係口度感覺下的, 這都是好事, 但要留意佢唔好"俗"度就ok啦, 期間比多d水佢飲, 仲有您唔整胡仔, 可以煲多d魚粥比佢食, 好有營養的, 但留意魚骨啦

其實關於食糊仔的年齡問題，都有兩種講法，有的人就話應該四個月就可以俾佢食，
但亦有人話六個月，以我個人經驗，其實四個月又好，六個月又好，最緊要係你觀察下你既小朋友是否有想食固體食物既意欲未，有的小朋友，因為本身喉嚨發育比較慢，如果免強要佢食，佢好容易會嘔，但如果小朋友已經可以食而你又唔俾佢食，咁又可能會錯過左俾小朋友食固體食物既黃金期，未能及時訓練佢既吞咽能力。所以都係要因人而異既，主要你要留意小朋友有無見到別人食東西時佢又想拿來食、經常流口水、嘗試俾佢食一少匙，佢又懂得吞下去， 如果有呢的特徵，你可以嘗試下開始俾佢食啦。至於食邊的固體食物，開始時都應係用米糊(賣奶粉既地方都有得賣)，用小朋友食開既奶(當然係加左水啦)黎開的糊仔，開始時唔好整得太稠，慢慢可以整稠一的，此外，除左食糊仔，你又可以試下俾的果汁佢飲，但唔建議太多同埋太濃，開始時都係三比一既比例(果汁占一份)俾佢飲一至兩安，因為如果佢飲太多果汁，佢會無胃口飲奶架，平時可以俾佢飲返的水。至於坐痰罐，我個人就唔建議咁早俾佢坐，以免影響佢既脊骨既發育。