濕氣重要看醫生?

為何人會濕氣重?
1) 食埋D生冷嘢 (雪糕, 汽水等凍嘢, 生果)
2) 長期留在潮濕的地方 (如冷氣, 森林, 近海, 無乜陽光但水氣重的地方)

食咗D生冷嘢, D濕聚响個脾胃度, 長期逗留在濕氣重的地方, 濕氣透過毛孔入咗體內. 人體氣血運行是由陽氣來推動, 體內陽氣不足, 帶唔走D濕, 令濕氣在體內得以凝聚.

濕氣重, 個人會濕困肢倦, 四肢重聚 (四肢膊頭聚住聚住), 瞓極都唔夠 (常呵欠), 個胃食少飽飽脹脹, 容易有噯氣, 大便粘滯疴極都唔清, 女士可見晨起面部及雙腳浮腫,

香港位處潮濕, 加上香港人常接觸空調, 所接觸的食物好多都係濕重的 (凍嘢, 海鮮, 生果, 仲有好多世界運來的古靈精怪嘢食) , 所以濕重呢個病响香港好平常, 每個人差唔多都會有, 成年人更加會常見.

洗唔洗睇醫生?
呢個病我可以話唔一定要即刻睇醫生, 但到最後患者都會睇醫生. 原因: 因為多數濕困好多人都頂得順, 唔當佢係一回事 (因為有時工作 / 活動時可分散注意力, 唔覺D症狀存在緊), 但當身體狀況差咗, 濕重嘅情況重咗, 重到個人的疲倦情況, 水腫, 胃口, 排便等情況已經影響佢哋嘅日常工作同生活時, D人先致會識得去睇醫生.

濕重睇西醫定中醫?
中醫會針對閣下的體質狀況來對稱下藥, 濕重唔一定會吃祛濕茶之類的涼茶才好. 如果係陽氣虛而濕困, 醫生除了在祛濕藥的基礎上再加點補陽藥, 提升陽氣運行濕氣. 如果病人是熱困濕邪, 醫師會先助病者瀉火清熱, 才再祛濕.
至於西醫方面, 我相信西醫會問你是來看失眠 / 水腫 / 胃口唔好??? 佢只會給你安眠藥, 祛水藥, 同胃藥你. 因為西醫無「濕重」呢個咁抽象嘅証睇.

會唔會醫好?
呢個真係唔知點答你, 體質好嘅人, 食一兩劑就已經好咗七、八成, 跟住認為自己好番, 然後繼續過他平常的生活 (吃凍嘢, 吹冷氣…), 跟住過咗個月到頂唔順又來睇過. 體質差嘅人, 食咗幾劑好咗唔再飲, 跟住因為其本身陽氣差, 食咗少少生冷嘢, 吹咗少少冷氣, 過咗幾日都會再好唔舒服 (好倦, 好重, 好重…) .

呢D體虛嘅人, 最重要其實係補陽. 陽氣足, 濕邪才能帶走.

所以呢個病可以話係長期病患, 一有咗佢, 佢呢世都可以係貼身膏藥咁粘住你, 你對個身體好D, 保養得個身體好D, 症狀就無咁明顯, 又或者唔係好覺佢嘅存在, 否則佢就即刻現形.

謝謝四不答很詳細的解釋^__^

睇中醫去濕吧!

其實唔一定要看醫生, 你可以
1. 煲赤小豆鯪魚粉葛湯
2. 煲老黃瓜赤小豆痩肉湯
try try...