股票交易 是不是 零和遊戲﹖

你緊係陸羽仁fans，因為佢成日強調玩股票係一個零和遊戲．不過事實又真係咁，因為錢唔會無剌剌變多；一個人賺，就代表另一個人蝕；無可能做到雙贏．有時你睇到股價漲左，以為自己贏左，其實你一日未走，你都未贏．有時你見到間公司股價不斷下滑，又成日配股cap水；段估無人贏啦掛？其實贏既係上市公司個老闆，因為佢攞左班股東ｄ錢去花天酒地中飽私囊也．買窩輪，又係零和遊戲，同你對賭既係班輪商；不過散戶既條件就更加不利，因為輪商有太多方法操控賽果．總之，股市要贏錢，就要你既對手輸錢；但係好多散戶都唔明白，同你賭緊果班大戶，彈藥實在比你多太多，隨時可以以本傷人將你大走．所以股市輸錢既，通常都係我地呢班散戶．

2007-09-11 11:41:47 補充：
樓上講得好理想．．．公司賺錢，定時定侯派息，股價慢慢上漲，好似人人都贏到．可惜呢個理論建基於太多未知因素，如：公司管理層是否有足夠能力不斷賺取盈利？公司管理層是否有良心回饋股東？外在經濟環境如何？好多時股價同業績只有輕微既關係，因為股價除左受基本因素影響外，仲會受好多外圍因素同人為因素影響．

不是, 就算沒有炒作, 公司通過生意賺錢, 資產價值也會增加, 其股票價值也會因而上升. 所以, 股票是可以創富...不是零和遊戲