英文點先叫好?

無論學咩外語，想學得好，多實習係唯一途徑！

你話你文法底子唔錯，咁已經係好既開始。用詞方面，就要花時間融入社區先會跟到。

你話你跟唔到你外藉老師既對話，佢d口音好難令人習慣，但係又話想學一口流利既美式口音，咁係唔係矛盾呢？

如果你個外藉老師係以美式英語為母語的人，咁佢就係你現成既學習對象啦，你咁近城隍廟都唔去求支好簽？

當然，D人成日話外籍老師，以為外籍一定好D。外籍？咩籍先？星加坡人算唔算外籍？恕我得罪講句，好多星加坡人D英文發音都係星式發音，唔夠正統。

其實澳洲人、德國人、意大利人、法國人，邊度都有唔同口音，想學美式英語，用詞、發音都要向以美式英語為母語的人士學習，咁先會事半功倍。

至於唱歌學英文，唔係唔得，但要識選材料，即係選歌。歌詞要遷就旋律、含義，句子有所扭曲；試想有個美國人話想用廣東歌學廣東話，你認為有幾大機會學得好？所以唱歌只可以當作輔助。

祝你早日遠離"long time no see", "thank q you"既行列。

我以前都好似你咁, 唔知點好and 我都好鐘意美國口音.

1. 你可以試下o係網上識一d美國人, 當然要正經的, 同佢地, icq, msn or ym messager. 之後大家用電腦音頻傾計, 初初會有d唔知點, 放膽講, 同留心聽, 一段時間你會有進步的同習慣.

2. 有時間, 聽or睇多d 英文台節目, 新聞等, 要比較集中去聽同領悟, 一段時間, 就算唔集中睇, 都習慣聽多d.

我自己曾經上網識過一d美國朋友, 大家一直保持聯絡溝通, 記住同開始習慣佢點寫, 同講..日子久了, 1-2年後, 我的英文真的改善了, 之後我同d英國人朋友傾計, 初時, 佢地一聽我講野, 話我d口音係美國口音. 所以, 係要日子有功的.

你要努力啊!!!

看美國電影啦, 同一電影先看有英文字幕，再看沒有字幕，多看幾遍。
漸漸看另一套電影，先看沒字幕再看有字幕，就知自己聽到多少，對聽力很有幫助。
而且電影情節配合語言你會更了解文字意思.
好像guys永遠被譯作傢
但看了美國片就知道其實是很普遍用,有時對有男有女會說 girls and guys! 有時直接說 guys! 都是看電影才會知.
又好似美國年青人"bad'是好的意思，也是看電影才會知道
不過為免混淆,最好選美國片.
英國片口音和美國片是不同的,甚至一些美國片背景是英國時也會扮英國口音.

至於說, 也可以看電影學,竅門是錄自己音播出來聽,
如果不錄音是聽不出問題的.

以上所說是DIY的學美語方法,如果排好時間表,肯真正去學是一定有用的.