中人壽定中移動好?

我個人比較鐘意中移動~
客觀咁揀你重可以揀中移同中人壽，而唔揀建行~

中人壽及建行屬銀行保險業，比較類似，可作比較:
中人壽好處:
1. 中人壽對手較建行少~
2. 未開拓市場比建行大~
3. 中人壽增長(1.6倍)比建行(4成幾)快~
4. 中人壽市帳率比建行低~
5. 中人壽依靠息差收入比建行少~
6. 建行與同行溢價高~(炒回歸A股，炒會點，你諗下?)

支持941要點:
1. A股上市雖然推遲，但中移始終為紅籌代表，紅籌獲准上市，941一定行先~
2. 就係因為941冇A股，港股直通車內股居民一定以熟識而內地未有者為首選~
3. 行業龍頭，增長仍然強勁，行內或重組，3G近發牌~
4. 941或會拆細，增加流通性，增加吸引力~
5. 藍籌成份比重已經降低，要沽貨都已經沽左~

我覺得中壽同中移係唔同行業，無得比較，一樣兩隻優質股，不過論波幅就一定係中移大，所以你都要衡量你係個EQ高唔高既人，短線或長線?短就中移，長就國壽~

我亦同有些社評認為係08北京奧運來臨之前，中央會利用一切辦法來穩定經濟，制造一個歌舞昇平既氣氛來迎接奧運。
不過，短期難免非常波動，因受次按、套利交易、利率走勢、國內調控因素甚至恐怖襲擊。

港股而言: 破頸線，向目標25500點進發~
有幾個不利因素令到我有相當大的戒心~
一. 9天RSI背馳~14天RSI是80.13亦屬高位，代表超買~遠離250天線超20%~高危~
二. 一口氣升左4千幾點未有調整過，只有一日曾低開跌近700點，收市只跌3百幾~另外，上星期其實如果對技術走勢有少少認識都知上星期有幾日都係好差~但都跌唔低~
三.資金自由行消息開始消化，並開始出現成交縮減~
四. 美國似乎有陷入衰退既危險，一旦令環球經濟出現衰退，中國或香港可否獨善其身成疑問?
五. 美國是否真的減息?

利好因素:
1.如果調整多一點我覺得可以慢慢紓緩憂慮一同二~
2.歐、英、中都唔加息，好似為美股減息鋪路~
3.之前，令大家恐慌既CARRY TRADE令股市波動，但如果仔細留意就覺最近股市令日元升多過日元升令股市跌~
4.另外，我個人覺得美股對港股既影響力越來越少，如果仔細留意上星期美股亦曾下跌，但港股下跌幅度遠比想像中細~而且都係裂口開跟住跌幅慢慢收窄~亦可留意香港股市受中國A股市場影響遠比我地想像既大~
5.雖然美股跌，但如金和石油期貨仍然上升，美數據的影響只屬局部~
6.中央好似冇咩宏調新招~
7.而且上次(8月17日)之前既調整，曾出現三頂背馳，然後先調整，即如果市場既消息極之壞，否則未會好似上次咁調整~不過真係要小心~
8.留意到拆息高企及港匯強，代表資金流入~

上述只屬個人睇法，只可作參考。
本人持有平安保險(2318)、中國移動(941)、中國國航(753)之股份。

幾隻都好, 比我會簡中移動....

原因如下:

1) 國壽, 同建行都回歸左A股, 唯獨中移動仲未
2) 中移動係行業上愈黎愈領先同業
3) 國壽有平保呢個強大對手, 建行有工行及中行大對手, 行業唔夠獨等
4) 保險銀行股大陸會開方巿場, 唯獨資訊業中央政府始終有介心. 依然係唔開放, 咁你話電訊業係咪一支獨秀先!

榮少

呢3隻都係正o野o黎,你都幾識揀,
何不三分天下,2-3年後版圖擴大,
豈不快哉.

2318 & 3968