✔ 最佳答案
大公司黎講,第一次面試只見人事部,佢會問晒你既個人資料同專長,會簡單話你知而家空缺既職位係做D咩,同埋會幫忙"真正要請你既人"判斷一下,你係咪咁適合。
o岩既話, 第二次面試就會直接見"高層"喇,即係要請你呢個位既人,佢會比人事部更加詳細地解釋呢份工既要求,同埋係做D咩既野,如果講完你都唔係太明,你係可以問架(為左後面要繼續答佢既問題),不過一兩次好喇,問得多佢會覺得你好"頓"架。
介紹完後就一般都會問下你覺得呢份工點,自己有無信心去做...等等既問題。假設呢份係你第一份工,老實講就算人地介紹完你都未必完全清楚得晒實質份工係要你做D咩。當然我唔係好清楚知道你見既係咩職位,唔可以幫你模擬一下D問題, 但如果你真係唔識應對既話,可以試下咁答:其實大約都知道份工既要求係做D咩,雖然我未做過呢類工,但聽落似乎唔係想像中咁難,我有信心應該可以做得好好...等等諸如此類既答案啦~~~其實都要靠你臨場表現係點,盡量表現出你既自信同誠意啦,呢個最緊要,有一副良好既說話技巧都可以揮低好多人架~~~
無咩要特別要預備,第一次面試時你帶左D咩就帶返果幾樣野啦~~
至於打扮方面,女仔可以著裙啦,斯文D就OK(唔好超短呀,起碼要及膝呀),最好唔好著牛仔裙。識化妝就化一個淡妝,唔識既話塗少少唇膏就OK了。
男仔既話梗加容易,causel D就得啦,牛仔褲/斜布褲都無問題~~~
唔使著套裝架啦~~~
好似講左好多無謂野,總之加油啦~~