見工,expect salary被壓價,如何處理?

佢壓得你價，就要比個reason你
多數因為經驗唔夠,學歷淺或初出茅廬...
如果佢冇比reason你就壓你價,你大可以問佢係咩原因
然後你再回想o下佢個reason合唔合理,同出面市價(即同一工種一般薪金)係咪差不多
如果真的差得太遠,而且完全唔reasonable的話
就真係不做也罷,並且要小心避免再接觸這類公司, 盡量唔好比太多個人資料佢
如果係有名的大公司,又唔好太串太直接reject
但我個人認為如果你是一名剛開始事業的畢業生
就不要為了果$800而放棄一個可以學習的機會
只是幾個月的試用期你就可以利用佢黎增加人生經驗,何樂而不為?
佢到時真係唔加番你價你再辭職都未遲呀,係咪?
^_^

一般來說, 搵工的人, 心中有個價; 但請人的公司, 心中也有一個價, 通常登招聘廣告時, 有些公司會把心目中的價也登記; 而應徵者也應在自己的應徵信內標明自己的預期人工.... 理想的話, 是應徵者見登出的人工及各條件適合自己才去信應徵; 而公司即使沒有登上人工, 也可以從應徵者的來信知道應徵者是否合適, 當然也要睇對方的學歷和資歷.....
如果雙方一開始都對人工方面open-end.. 真是會浪費時間的, 除非某方肯讓步...
作為應徵者, 首先要將自己的才學資歷等, 在市場中找一個客觀定位, 這不是自己想有幾多人工就有幾多, 究竟在人力市場上自己是否值這個價, 自己要有一個清晰的概念, 公司出人工給員工, 並非以該員工需要幾多錢為出發點, 而是以市場需求定律而定... 試想想, 如果公司可以以8k就請到同你差唔多學歷和經驗的員工, 咁你有何能耐要人以高於市價去請你... sorry.. 這是客觀因素...
你先自問你在人力市場中值幾多錢人工?? 要從客觀觀點去想, 不是你想要幾多, 是以你學歷和經驗, 加上你的工作能力和態度, 在人力市場上可以搵到幾多錢人工的工作崗位???
如果你相信人地出的人工低於市價, 當然你可以堅持不減, 東家唔打, 打西家, 總有公司會用市價 (你值的市價) 去請你... 除非你覺得間公司前途好好, 例如入了一家商譽很好, 做過這等大公司, 將來對自己的前途有正面的影響...