關於雪糕的電影 - Ans.fyi 參考答案

關於雪糕的電影

用戶11833

2007-09-11 4:44 am

我記得小學o既時候，睇過明珠台一部西片，內容好似係講外星人侵襲地球，佢哋整咗啲雪糕俾人類食，跟住啲人類就會受佢哋操控，最深刻印象就係有一家人，佢哋知道啲雪糕有問題，有一啲被外星人操控o既人類就去呢家人屋企，睇吓佢哋有冇食雪糕，呢一家人就攞咗啲牙膏或剃鬚膏嚟代替雪糕，扮作自己食緊有問題雪糕..................

我好想睇番呢套戲，唔知叫乜嘢戲名呢??? 希望有人可以解答我啦!!

更新1:

To niteCAT﹕估唔到有人答我呢條問題，真係好開心，THX!!!! 因為冇人信我睇過呢度戲，啲FD以為我細個發夢時幻想出嚟! 至於你講o既兩套戲，我就冇乜印象。另外，仲有一套唔知乜嘢名o既神怪戲，係湯告魯斯初出道o既作品，我記得個女主角好靚，佢俾個紅色有角o既妖魔捉咗，你知唔知套戲叫乜嘢名??以前明珠台播過一次

回答 (1)

niteCAT

2007-09-14 8:57 am

✔ 最佳答案

我細個都有睇過哩部戲呀！！啲雪糕係响地下好似泉水咁湧上來的，試食的人都會覺得超好味而不停咁食，直至受控制，身體都被那些白色野食晒，剩番個空殼！

sorry，我都唔記得部戲叫乜名，不過兒時回憶都好想分享下。我記得果期無記播左好幾套這類驚嚇片，我最記得有─《黑湖妖》、《驚天動地災難蟲》，但係偏偏哩套個名就唔記得。

2007-09-16 03:01:49 補充：
我問過我阿哥 (大我2歲) 佢都有印象，個雪糕牌子叫《食得褔》。「黑魔王」LEGEND係靚佬湯的第二部作品，我無睇過，詳情請看：http://www.dng.idv.tw/dvdreviews/tom_dvd/legend.htm

👍 0 👎 0