有關鼠鼠...Help me~~15點嫁!!

A.你兩隻鼠用手推下推下,其實已經係開始打交,最好盡快分開佢地,好過打傷打死時先再作處理

鼠鼠打交唔一定係一開始就要咬OR打傷對方,都未了解對方實力,多數未咁快咁狠,不過我細個時都有鼠試過一打就死晒

鼠鼠好少會叫到人會聽到既,因為平日鼠既音頻人係聽唔到,到鼠鼠叫到人都聽到既時候,多數都係因為痛苦or驚

B.倉鼠打交係因為佢地本身就係獨居動物,根本唔適合同其他鼠一齊住既,勉強改變鼠鼠既天性,鼠鼠會好辛苦既,多數鼠細個都唔打交,但唔同品種既鼠,就好易更早會打,加上黃金鼠比其他細鼠早會想打死其他鼠,所以真係好易出事(我之前買左一隻已懷孕既女黃金鼠返唻,鼠B未戒細已經打,幸好捱到去戒奶分開佢地,打左兩日,一隻冇左一部份耳,一隻不斷地叫)

我明白坊間同鼠店都話倉鼠係群居,但從生物學角度,鼠鼠真係獨居架,只係多數鼠細個都唔打交,所以就易令人有錯覺,又有好多人話鼠打交只係,甚至話係增進感情,好彩就打唔傷,但留意一下過去既知識,就見到有不少鼠打傷打死

我都好想一籠多鼠,但好多人地講既方法我細個都試過晒,結果都一樣,唔想你步我後塵,所以希望你可以考慮一下以下幾點:

1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

B.唔知被打既鼠有冇受傷呢?有冇流血?記得檢查清楚佢地有冇事

打交受傷既處理方法如下:
1)有流血既話,用藥用棉花咁住傷口,用外傷既藥同佢搽,小心唔好整到眼耳口鼻.
2)同其他鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重.
3)冇受傷既鼠,都必須要仔細檢查一下真係有冇受傷
4)佢地兩隻都受驚啦,受驚好易會有其他毛病,同時要keep住檢查佢地既身體同排泄物有冇其他異常
5)保持個籠乾爽清潔,避免細菌感染
6)如果有內服既"外傷素"就可以俾鼠鼠飲住先,但嚴重成咁其實都係要盡快睇醫生先係最好既方法
7)如果流血既情況嚴重, 其實都幾難止血,因為鼠鼠本身會爪會咬,如果都係止唔到既,俾佢試下自己處唔處理到.都係唔得既都幾危險,鼠鼠咁細隻,如果不斷流血,好快就會失血過多...盡快帶佢睇醫生啦.
8)睇醫生既話可以考慮一下
愛護動物協會診所資料:
http://www.spca.org.hk/chi/vet/vetclinic.html (需入會)
愛護動物協會流動醫療車資料:
http://www.spca.org.hk/chi/vet/moclinic.html

C.鼠鼠多數都唔識自己用沖涼粉,人手幫鼠鼠用沖涼粉沖涼,沖得又好D,又可以當同鼠鼠玩,咁唔係仲好咩?

同鼠鼠沖涼既步驟:
1) 要將鼠鼠放去第個盆or籠度,我就用養龜仔之類既小缸同鼠鼠沖涼既.
2)將沖涼粉灑落鼠鼠身上,避免將粉整到落鼠鼠既眼耳口鼻.可以用手整少少粉鼠鼠既頭頂,再同佢掃下.
3)用手掃下鼠鼠身上既沖涼粉or由得鼠鼠自己整走都ok.
4)再將鼠鼠整左落唻既粉整多2-3次落鼠鼠身上(用未用過既都可以)
5)沖完涼將鼠鼠身上既粉掃走,咁就可以放返鼠鼠入籠啦.

同鼠鼠沖涼,要留意以下幾點:
1)要用沖涼粉,唔可以用水,唔係好易令鼠鼠感冒既.
2)唔可以日日沖,一星期沖一次,最多兩次就ok啦,成日沖涼會令鼠鼠抵抗力下降既.
3)盡量避免沖涼粉整到鼠鼠既眼耳口鼻

2007-09-10 22:14:48 補充：
其實唔可以只靠鼠鼠舔自己身體咁去沖涼,因咁樣好易有皮膚病,最好都係用沖涼粉, 一星期1-2次咁同鼠鼠沖啦

2007-09-24 04:41:25 補充：
沖涼粉唔適合放在籠內,因為鼠鼠唔可以成日沖涼既,成日沖涼會令鼠鼠抵抗力下降,反而易有皮膚病

佢地可能係想打交，唔緊要嫁＾＾
我隻鼠鼠都唔肯沖涼
可能因為佢地驚
你只要將ｄ沖涼粉放系籠到
之後佢地一定會冇咁驚就會沖啦

本身如果養2隻同種既倉鼠已經會有可能成日打架, 更何況你養2隻唔同種, 倉鼠係唔鐘意同其他鼠分享嫁, 所以如果已經養左一排都仲係咁, 你最好都係將佢地分開養喇, 唔係真係好容易會打到傷晒, 或者打死...(我以前就試過2隻倉鼠成晚係度打架, 嘈到冇覺好訓, 後尾仲打到流晒血)
另外倉鼠係會用佢自己既方法黎沖涼(用舌頭舔身體來清潔), 如果你係想佢自己用沖涼粉係好難同埋要好多時間, 不過你可以試下幫佢沖完涼之後俾d獎勵佢(e.g. 佢鐘意既零食), 等佢慢慢習慣同鐘意同沖涼粉沖涼。 但係記住千其唔好放佢地落水沖涼。

IF You dont want to see that,then keep them saperately ,as a result they will never fight against each other.

@@ 不和都好正常
你唔想佢地咁
你可以分開佢地黎養

鼠一向都係要手動沖涼吧? @@
你自己幫佢沖
起碼都知道佢係咪真係乾淨