倉鼠受傷T-T

A.首先要盡快分開兩隻鼠先,眼上面並唔適合用外傷藥,因為咁好易整到鼠鼠既眼,外用藥入眼,好危險既

唔知個傷口嚴唔嚴重呢?有冇流血?如果唔太嚴重,都可以等佢自己好既,但要小心傷口有細菌感染

處理方法:
1)用藥用棉花咁住傷口
2)同其他鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重.
3)冇受傷既鼠,都必須要仔細檢查一下真係有冇受傷
4)佢地兩隻都受驚啦,受驚好易會有其他毛病,同時要keep住檢查佢地既身體同排泄物有冇其他異常
5)保持個籠乾爽清潔,避免細菌感染
6)如果有內服既"外傷素"就可以俾鼠鼠飲住先,不過唔係成日都有得買,約$60

B.如果嚴重既話,真係最好睇醫生處理,呢D位置唔搽得藥,嚴重好難好快處理得掂個傷口

其實去愛護動物協會既流動醫療車唔會好貴,診金都係一百多,藥費另計,但加加埋埋,都未必過二百,你自行買藥都要$60左右,內服藥又好得好慢
愛護動物協會流動醫療車資料:
http://www.spca.org.hk/chi/vet/moclinic.html

去既話記得早D去,因為係派籌,遲去就冇得睇架啦

C.希望你真係可以永久地分開佢地啦,鼠鼠係獨居動物,一齊住真係好易出事,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦)

建議一籠一鼠原因如下
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2007-09-17 21:51:23 補充：
我就唔太同意見到鼠鼠打交,打唔死就由得佢再打,始終唔知邊次有機會打死,加上鼠鼠受傷,做主人既都應該會唔想同心痛掛?我唔係好了解珍珠粉既特性,不過就覺得如果將珍珠粉加落傷口係有d問題1)傷口近眼,加粉入去,就好易令d粉入眼內,咁會非常危險2)鼠鼠同人唔同,細過人好多倍,咁究竟落幾多先安全呢?真係好難講,而且外用藥都唔係話亂用都冇事,亂用外用藥係會令皮膚受到感染3)珍珠粉人用既話有分外用同內服,而內服既珍珠粉如果用落皮膚度,係冇咩用既,因為內服既係好難用皮膚吸收.咁就算珍珠粉係好,用錯都唔會有功用.但唔好因而俾鼠鼠內服,因人內服得多都會中毒,鼠鼠咁細,可能好少都有好大影響

其實唔會有太大嘅問題,
因為我有隻倉鼠同另一隻倉鼠打完交,
損手爛腳,耳仔崩左一角,斷手指甲/腳指甲,流哂血,
都無事!
第二日咪又係生生猛猛,又再打過!

如果真係流太多血,你有兩個解決方法:
1)夠$$---帶佢去睇醫生
2)唔夠$$---落藥房買D珍珠粉(或者叫珍珠末),去麥記問人攞支搞奶茶嘅spoon,then將少少珍珠粉(係可食用果隻)倒在spoon上,好小心咁逐少逐少倒在鼠鼠嘅傷口度,咁第日鼠鼠就會生猛返!

你去寵物店買一瓶鼠鼠專用的外傷藥幫他搽。
黏小小在棉花棒上面，搽在他受傷的地方，因為在眼睛上面，所以要好好好好小心唔好整到佢隻眼。

嘩,隻鼠自己一定會整個傷口嫁WOR..
但係會自己好,好似人既傷口一樣~
因為我之前果D損左都會自動好番
要睇下個傷口幾大!!
希望佢快D好番啦!!