YOKI,想問560珠江船務

我冇了，原因我沽晒買左招商中國基金（１３３）！

今日趁大跌市再入多４手招商中國基金（１３３）＄３４．１（３手）＄３４．３（１手），再入埋１手恆基（１２）＄５３．３，一開市入左，仲入埋林大（９１０）＄２．４８入了１００００股！

之前推介的２線股，應該會慢慢一隻一隻上番，因此，不用太擔心吧！

本人持股很集中了，原因我是計機會成本，我只揸我認為是最有水位的一隻，及最穩定的就夠了，其他，都是用來炒上落！

珠江船務（５６０）大跌市前，我２個幾止蝕，在大大跌市後，即時在第２日＄１．６９入番，因為偷佢夠賤，揸左２－３日，就＄２．０ｘ分手了，用了賺的錢再去買了招商中國基金（１３３），平保（２３１８），港交所（３８８），中移動（９４１）之類！

原因是當時是偷佢夠賤，會有好快速的反彈，但反彈左即是代表唔夠賤，於是沽鬼左佢換入領漲股！當然沽珠船（５６０）當然唔夠錢買大籃籌啦，當時我時沽了很多２線跌得多的股票，當佢短線一急反彈時就沽左佢，再轉入大籃籌，當時我就是這樣做！

如無意外，以珠江船務（５６０）的質素是可以見＄３的，因此，上升水位是２成幾左右！

但我看招商中國基金（１３３）的上升空間是肯定唔止上２成幾，而且當個市要跌時，招商中國基金（１３３）穩陣過隻珠江船務（５６０）好多！

在貨比貨的情況下，我不長線持有珠江船務（５６０）了，只是間中見在位用來短線及中線炒下佢！不是不看好其前景，只是有其他好過佢！

因此，不是我不知道珠江船務（５６０）會升，而是資金應放至機會成本最低的一隻股票上，當然也要考慮風險因素！

我都知好多股票會升的，但何來有那麼多錢隻隻走去買？

放心吧，如果大市隱定番，你就可以座住隻珠船慢慢向＄３進發了！

不過，如果個市唔掂，隻珠船就要小心啦！上次大跌市已經見左真章畀你睇，佢有幾多料，見晒形！因此，此股是可以順水上，但逆水唔得！隻船就〔吞〕得好快啦！所以你要注意這點！

跌市是一個照妖鏡，任何股票在大跌市的表現，可以頂到幾多，及當個市回升時，佢反應快唔快，就知隻股有幾多料啦！

Yoki Wong
圖片參考：http://hk.yimg.com/i/icon/16/67.gif