✔ 最佳答案
無論認沽或認購我都唔讚同~
一. 我都曾買過388既認沽,e隻股票唔可以用常理或常規技術指數黎衡量升或跌,你睇今日~投降喇,我都未見過一隻股票係一日裏面可以升40幾蚊~
二. 引伸波幅急升,你買左,過幾日388唔升唔跌,你無論買沽定購,隻輪都一定跌~
三. 如果你買沽,冇街貨還好,有街貨果d,持貨果d一定有排都未到行駛價,為免唔變廢紙,一定唔問價狂沽,到頭來就算388跌,隻沽陪佢一齊跌,除非有急瀉,但你認唔認為388咁既消息下係短期內急瀉?
四. 好,如果你買購,可能聽日重會升,但過兩日個消息過左,大家都冷靜既時候,你認為大家覺得388值幾錢呢? 比個參考價2006年10月31日港交所先60蚊~今年盈利升一倍,120蚊我都叫人買~
我都有買388購輪,150蚊我都套利喇~
買唔買當然自己決定喇!
純屬個人意見,只供參考~
本人持有中移動(941)、平安保險(2318)、中國國航(753)之股份~