941中移動

我建議唔放~

支持941要點:
1. A股上市雖然推遲，但中移始終為紅籌代表，紅籌獲准上市，941一定行先~

2. 就係因為941冇A股，港股直通車內股居民一定以熟識而內地未有者為首選~

3. 行業龍頭，增長仍然強勁，行內或重組，3G近發牌~

4. 941或會拆細，增加流通性，增加吸引力~

5. 藍籌成份比重已經降低，要沽貨都已經沽左~

我亦同有些社評認為係08北京奧運來臨之前，中央會利用一切辦法來穩定經濟，制造一個歌舞昇平既氣氛來迎接奧運。

不過，短期難免非常波動，因受次按、套利交易、利率走勢、國內調控因素甚至恐怖襲擊。

港股破頸線，向目標25500點進發~

有幾個不利因素令到我有相當大的戒心~

一. 9天RSI背馳~14天RSI是80.13亦屬高位，代表超買~遠離250天線超20%~高危~

二. 一口氣升左4千幾點未有調整過，只有一日曾低開跌近700點，收市只跌3百幾~另外，上星期其實如果對技術走勢有少少認識都知上星期有幾日都係好差~但都跌唔低~

三.資金自由行消息開始消化，並開始出現成交縮減~

四. 美國似乎有陷入衰退既危險，一旦令環球經濟出現衰退，中國或香港可否獨善其身成疑問?

五. 美國是否真的減息?

美股昨日跌左250點，如無意外，星期一開市應該會作出調整~

1.如果調整多一點我覺得可以紓緩憂慮一同二~

2.歐、英、中都唔加息，好似為美股減息鋪路~

3.之前，令大家恐慌既CARRY TRADE令股市波動，但如果仔細留意就覺最近股市令日元升多過日元升令股市跌~

4.另外，我個人覺得美股對港股既影響力越來越少，如果仔細留意上星期美股亦曾下跌，但港股下跌幅度遠比想像中細~而且都係裂口開跟住跌幅慢慢收窄~

5.雖然美股跌，但如金和石油期貨仍然上升，美數據的影響只屬局部~

6.中央好似冇咩宏調新招~

7.而且上次(8月17日)之前既調整，曾出現三頂背馳，然後先調整，即如果市場既消息極之壞，否則未會好似上次咁調整~不過真係要小心~

8.留意到拆息高企及港匯強，代表資金流入~

如能調整到23200能站穩，我都會開始入貨~

上述只屬個人睇法，只可作參考。

升幅唔少,況且大巿似乎升唔起會回調, 佢又係會被人沽的頭號股票.

有獲利可以沽出觀望

榮少

由於941在恆生成份股比重已下降至15%, 所以短期內難再有大升空間; 況且此股已上升不少, 就算不大跌相信也只能在約$100左右徘徊。我在$104.4已全數沽出, 若股價下跌至$90左右可能會再吸納。