有冇啱啱喺QE生完BB嘅媽咪呀？

我是在廣華生的, 我那時聽姑娘講座時, 話比我地聽先要帶乜野到醫院, 跟住再帶乜野...
我諗其實每間醫院要帶既野都係咁上下卦..

1) 帶入院証明書, 即你已經登記左QE生bb的証明, 我個時就係每次覆完診後, 醫院會比返一張覆診紙我安排下個月幾時返醫院做產檢, 個張紙就係入院証明喇, 都幾重要呀, 你作動時, 如果唔記得帶時, 你要比身份証佢地去對, 咁佢地要攪一輪先可能安排你上留產室. 咁咪浪費d時間囉.

2) 帶日常用品, 例如毛巾, 牙刷, 拖鞋, 水杯, 紙巾等....

3) 帶一包孕婦衛生巾, 唔洗帶咁多住, 你可以叫你屋企人等你生左後再帶比你都唔遲.
一個膠樽既沖洗器, 用黎大, 小便後沖洗下面. 如果你買左網褲, 你可以帶2 包, 一包都會
有6條左右, 到時你換包新時, 叫屋企人幫你洗都得, 因為可以用得返. 你返屋企都要有一
個星期到要穿網褲, 等個傷口通爽D MA...咁會快D埋口同好D...

4) 生左BB後, 帶BB尿片, 因為醫院會幫你先出一D, 佢用左幾多, 你就比返幾多比佢地.

5) 你要帶一套BB衫同包被, 包住BB出院, 等佢唔會冷親. BB係醫院有衫供應, 所以係出院
時先帶比BB, 你都要帶一套乾淨衫比自己, 入院個套要拎返屋企洗, 因為醫院此終都會
有細菌既, 而且你會抱BB呢, 都係乾淨D好.

都係咁多啦, 其實都好少野拎, 咁你都無咁辛苦, 當你生左後再帶到醫院未遲啦.

希望你生個肥肥白白健康快樂既BB, 你都要保重呀...

嚴格來說應該還帶BB衫﹐你的衫﹐衛生巾(for生產完的婦女)﹐毛巾﹐內衣褲﹐適合產婦吃的乾糧﹐我之前生就是帶這些而已﹐因為其他醫院應該都會有﹐還有﹐最重要的就是money。