問「健康服務助理 (Health Care Assistant)」(HCA) 職位

本人已在醫院任職HCA六年了,現在亦來了不少新同事,他們都是完成了健康服務助理課程才找倒這份工,其實現在醫院聘請HCA的要求亦沒有以前那麽多,相信要找到這份工是不會太難,不過可唔可以在短期內找倒這份工,真係好難講,要視乎當時醫院人手係唔係好短缺,如果你真你咁想投身醫護行業,修讀呢個課程就真係百利而無一害,又何必擔心可唔可以一個月內揾唔揾倒工呢?如果必要一個月內揾倒工做,你似乎想揾工多過想做HCA喎!
如果當你真的受醫院聘請做HCA,咁就要睇吓你被調派那個部門,唔同部門又會面對唔同嘅野,有d人派到門診,咁就唔需要輪班,咁就又會有好大分別,但如果派到病房工作就可能會接觸到好多厭惡嘅野,例如血,屎,尿,屍體等等,你有冇想過自己係唔係真的可以接受呢d野,同時醫院內每日要面對嘅人好多,同事,病人,病人家屬,可能時常要面對人與人相處的問題,你自己是否又能面對得倒呢?不過我眼看每個新同事都總要一段日子才適應,亦有人忍受不了最後唔做,回想起當我最初做呢份工,亦曾經做到走入廁所偷偷地喊,不過我亦堅持至今,不過亦唔係全部負面,現在我有很多很多同事變成好朋友,亦同時學倒人與人怎樣相處,還學倒很多醫學上嘅常識添!無論怎樣,如果下定決心,就唔好怕困難,話唔定有一日你會係我同事呢!

好easy架...........'' 只要你答..就一定比你pass..............''\
佢開頭話唔好以為比左$$學.....就一定比你pass..結果又唔係pass

我現在讀緊HCA,讀了三週,壓力已經很大了,現在擔心考試會唔合格>.<因為每次MISS問既問題,同TEST我都唔試>.<
平時上堂我已經好留心聽書,唔知係咪自已蠢,
又可能我自已放底在書包已經十幾年,
我想問我有咩方法可以另我記憶力好D,
同埋想問下各位師兄,師姐,
考試既時候,是不是沒有記定答案???
例如:肺炎病徵試列出HCA應做護理事項
我答:安排隔離病房,核對病人資料,詢問病者有什應需要,如有需要安排病者以下護理:口腔護理,床上浴,床上洗頭等等

我同意第一位家嫂既睇法，HA醫院真喺經常聘請HCA，原因好多人覺得辛苦，眼見大把新人做咗唔夠一個星期就遲職。大部份HCA都喺女性(以前都有好多男性，不過越來越少)，每日扶抱病人上落床多次，唔夠人手、床位迫、缺乏空間，無可能可以做到上堂時學既正確姿勢。久而久之，喺不知不覺間，做到肌肉、筋膜勞損。但唔喺單一事件，所以唔可以報工傷，好多人唯有遲職。你知嗎，HCA背後既花名叫〔H咕哩〕，可想然知，每日做幾多担担抬抬既工作。
HCA入職後，無位可以再晉升，除非自己再讀抽血員或物理治療助理課程，然後再轉職。
HCA課程(中三以上)比保健員課程(中五全科)易考好多，好少唔合格。